جىلدىق ينفلياتسيا 2026 جىلعى اقپاندا بولجامدارعا ساي كەلىپ, 11,7%-عا دەيىن تومەندەگەن (قاڭتاردا – 12,2%). ينفلياتسيانىڭ بارلىق كومپونەنتى قارقىننىڭ تومەندەپ كەلە جاتقانىن كورسەتىپ وتىر. ازىق-ت ۇلىك تاۋارلارى بويىنشا باعانىڭ ءوسۋى –12,7% (12,9%), ازىق-ت ۇلىككە جاتپايتىن تاۋارلار بويىنشا – 11,6% (11,7%), اقىلى قىزمەتتەر بويىنشا – 10,8% (12%) بولدى.
دەگەنمەن ايلىق ينفلياتسيا 2026 جىلعى اقپاندا جەدەلدەپ, 1,1%-دى قۇرادى. بازالىق ينفلياتسيا اقپاندا – 0,8% بولعان.
ازىق-ت ۇلىكتىڭ الەمدىك باعاسى باياۋلاپ كەلەدى. ماسەلەن, ءسۇت ونىمدەرى مەن قانت باعاسىنىڭ تومەندەگەن. ال ءداندى داقىلدار مەن وسىمدىك مايىنىڭ الەمدىك باعاسى وسكەن.
رەسەي فەدەراتسياسىندا ينفلياتسيا ءالى دە جوعارى, تارگەتكە جەتۋ 2027 جىلى كۇتىلەدى. ەو-دا باعانىڭ ءوسۋى تۇراقتى تۇردە تومەن بولىپ قالىپ وتىر. اقش-تا ينفلياتسيا فەدەرالدى رەزەرۆ جۇيەسىنىڭ سارالانعان ساياساتى جاعدايىندا نىساناعا جاقىنداپ كەلەدى.
ۇلتتىق بانك بازالىق مولشەرلەمە بويىنشا شەشىمدەر كەستەسىن بەكىتتى
«بازالىق ستسەناري اياسىندا ءبىرىنشى جارتىجىلدىقتا Brent ماركالى مۇنايدىڭ باعاسى تاياۋ شىعىستاعى قاقتىعىستىڭ ورشۋىنە بايلانىستى ساقتالىپ وتىرعان جوعارى باعالار اياسىندا بۇرىنعى العىشارتتاردان ۋاقىتشا جوعارى بولاتىنى بولجانادى. بۇدان كەيىن الەمدەگى سۇرانىس پەن ۇسىنىس تەڭگەرىمىنىڭ ناتيجەسىندە مۇناي باعاسى 1 باررەل ءۇشىن 60 دوللارعا جۋىق دەڭگەيگە دەيىن بىرتىندەپ تومەندەيدى دەپ بولجانادى. بولجامعا سايكەس, 2026 جىلى باعا ورتا ەسەپپەن 1 باررەل ءۇشىن 66,3 دوللاردى قۇراپ, كەيىنگى جىلدارى 60 دوللار دەڭگەيىندە تۇراقتالادى», دەلىنگەن ۇلتتىق بانك حابارلاماسىندا.
مۇنايدىڭ جوعارى باعاسىن ەسكەرە وتىرىپ, 2026 جىلعا ينفلياتسيانىڭ بولجامى ناقتىلانىپ وتىر. ال باعالاردىڭ ءوسۋى 9,5-11,5 شەگىندە باعالانادى. دەگەنمەن, ۇلتتىق بانك ۇكىمەتپەن بىرلەسكەن ءىس-قيمىلداردى ىسكە اسىرۋ, بولجامدى فيسكالدىق جانە كۆازيفيسكالدىق ساياساتتى قامتاماسىز ەتۋ, تكق مەن ججم-نىڭ ينفلياتسيانىڭ وسۋىنە قوساتىن ۇلەسىن تومەندەتۋ ارقاسىندا باعانىڭ ءوسۋى ءبىر ءماندى دەڭگەيگە جەتەدى دەپ كۇتەدى. 2027 جىلدىڭ قورىتىندىسى بويىنشا ينفلياتسيا 5,5-7,5%-عا دەيىن باياۋلايدى دەپ بولجانىپ وتىر. 2028 جىلدىڭ قورىتىندىسى بويىنشا ول 5%-دىق تارگەتكە جاقىن قالىپتاسادى.
2026 جىلعا ءىجو-ءنىڭ ءوسۋ بولجامى 3,5-4,5% ارالىعىندا ساقتالعان. 2025 جىلعى جوعارى بازا اياسىندا ەكونوميكالىق بەلسەندىلىك 2026 جانە ودان كەيىنگى جىلدارى بىرقالىپتى تراەكتوريادا داميتىن بولادى. فيسكالدىق شوعىرلانۋدىڭ جانە تۇتىنۋشىلىق كرەديتتەۋدىڭ باسەڭدەۋىنەن ىشكى سۇرانىس ازاياتىن بولادى.
«ۇلتتىق بانك ينفلياتسيانىڭ باياۋلاۋ قارقىنىن, ىشكى سۇرانىس ديناميكاسىن, فيسكالدىق شوعىرلاندىرۋدىڭ ناقتى ورىندالۋى جانە كۆازيفيسكالدىق ىنتالاندىرۋدى ىسكە اسىرۋ ساپاسىن باعالاۋدى جالعاستىرادى. سونىمەن قاتار ۇكىمەتپەن بىرلەسىپ, ينفلياتسيانى باقىلاۋ بويىنشا شارالاردى ىسكە اسىرۋ تيىمدىلىگىنە جانە تكق مەن ججم باعاسىنىڭ وزگەرۋىنە مونيتورينگ جۇرگىزىلەدى. ينفلياتسيانىڭ تۇراقتى باياۋلاۋى جانە جاڭا ينفلياتسيالىق شوكتاردىڭ بولماۋى كەزىندە 2026 جىلدىڭ ەكىنشى جارتىجىلدىعىندا بازالىق مولشەرلەمەنى تومەندەتۋ مۇمكىندىگى قارالاتىن بولادى. قازىرگى جاعدايدا اقشا-كرەديت ساياساتىن جەڭىلدەتۋ ءۇشىن كەڭىستىك ءالى قالىپتاسقان جوق», دەلىنگەن حابارلامادا.
