اكتسيا اياسىندا ەلىمىزدىڭ ءتۇرلى باعىتتارىندا قاتىنايتىن پويىزداردا 1000-نان استام ايەل جولاۋشىعا گۇل شوقتارى مەن ەستەلىك سىيلىقتار تابىستالىپ جاتىر. تاڭەرتەڭنەن باستاپ جولسەرىكتەر جولاۋشىلاردى كەلە جاتقان مەرەكەمەن قۇتتىقتاپ, شاعىن سىيلىقتار ۇسىنىپ كەلەدى.
كوپتەگەن جولاۋشى ءۇشىن مۇنداي ءىلتيپات جاعىمدى توسىنسىيعا اينالىپ, مەرەكەلىك كوڭىل كۇي سىيلاعان. سونىمەن قاتار بىرقاتار پويىزداردا مەرەكەگە وراي ارنايى بەزەندىرۋلەر جاسالىپ, جول ۇستىندە ەرەكشە كوكتەمگى اتموسفەرا قالىپتاسقان.
ايتا كەتەيىك, بۇل باستاما ۇلتتىق تاسىمالداۋشى مەن «Kaztechnology» كومپانياسىنىڭ بىرلەسۋىمەن ۇيىمداستىرىلعان. سوڭعى جىلدارى داستۇرگە اينالعان اكتسيانىڭ باستى ماقساتى – ساپار بارىسىندا ايەل جولاۋشىلارعا كوتەرىڭكى كوڭىل كۇي سىيلاۋ جانە مەرەكەلىك اتموسفەرا قالىپتاستىرۋ.
8 ناۋرىز قارساڭىندا كوپبالالى انالارعا بەرىلەتىن جاردەماقى مولشەرى قانداي؟
جالپى العاندا, جىل سايىن جولاۋشىلار تاسىمالى پويىزدارىمەن شامامەن 13 ميلليونعا جۋىق ادام ساپار شەگەدى. ولاردىڭ جارتىسىنان استامىن ايەل جولاۋشىلار قۇرايدى.
