وبلىستىق مەملەكەتتىك كىرىستەر دەپارتامەنتى باسشىسى ورىنباسارىنىڭ مىندەتىن اتقارۋشى بيسەن يۋسۋباليەۆتىڭ دەرەگىنە سۇيەنسەك, يەلىگىندە كولىگى, نە وزگە مۇلكى بار تۇرعىندارعا سالىقتى مەزگىلىندە تولەمەسە, الدىمەن حابارلاما جىبەرىلەدى. ال وتەلمەگەن بەرەشەك ءۇشىن سالىق بۇيرىعى شىعارىلىپ, ءىس جەكە سوت ورىنداۋشىلارىنا جولدانادى. كەيىن ءماجبۇرلى تۇردە ءوندىرىپ الۋ شاراسى قولدانىلادى.
«سالىقتى ۋاقىتىندا تولەۋ – ءار ادامنىڭ مىندەتى. قازىر 4 246 جەكە تۇلعانىڭ كولىك سالىعىنا 321 ملن تەڭگە بەرەشەگى بار. ونىڭ 226 ملن تەڭگەسى – نەگىزگى قارىز, كەشىكتىرگەنى ءۇشىن قوسىلعان اقشا 95 ملن تەڭگەنى قۇرادى. ال 10 415 ادامنىڭ م ۇلىك سالىعىنا 50 ملن تەڭگە بەرەشەگى قالىپتاسىپ وتىر», دەيدى بيسەن يۋسۋباليەۆ.
باسشى ورىنباسارىنىڭ پىكىرىنشە, ەندى جەڭىل كولىكتىڭ زاۋىتتان شىعارىلعانىنا 10 جىلدان اسسا, سالىق 30 پايىزعا تومەندەيدى. ال 20 جىل بۇرىنعى كولىكتەردىڭ سالىعى ەكى ەسە ازايادى.
«شارۋا قوجالىقتارىنىڭ يەلەرى ءبىر پيكاپ كولىگى ءۇشىن سالىق تولەمەيدى. بىراق قىمبات م ۇلىككە قاتىستى جاڭا سالىق ءتارتىبى ەنگىزىلدى. ەگەر ءبىر ادامنىڭ يەلىگىندەگى ءۇيىنىڭ, عيمارات پەن باسقا دا مۇلكىنىڭ جالپى قۇنى 450 ملن تەڭگەدەن جوعارى بولسا, وسى سومادان اسقان بولىگىنە 2 پايىز قوسىمشا سالىق سالىنادى. م ۇلىك قۇنى نەعۇرلىم قىمبات بولعان سايىن تولەنەتىن سالىق تا سوعۇرلىم كوبەيە تۇسەدى», دەپ ءمالىم ەتتى ب. يۋسۋباليەۆ.
وبلىستىق ادىلەت دەپارتامەنتىنىڭ ءبولىم باسشىسى اقبوبەك دۇسىپقاليەۆانىڭ دەرەگىنە سۇيەنسەك, اليمەنتىن تولەمەي جۇرگەن 3 مىڭنان استام ادام بار. ولاردىڭ بەرەشەگى 3 ملرد تەڭگەدەن اسىپ وتىر.
«جەكە سوت ورىنداۋشىلارىندا اليمەنتتى وندىرۋگە قاتىستى 10 مىڭنان استام اتقارۋ قۇجاتى بار. ونىڭ ىشىندە 5 مىڭ ىسكە قاتىستى اليمەنت تولەمى بورىشكەرلەردىڭ جۇمىس ورنىنان ۇستالادى. قازىر 2 مىڭعا جۋىق بورىشكەر اليمەنتتى ەرىكتى تۇردە, الايدا ءىشنارا تولەپ ءجۇر. اليمەنتكە بەرەشەگىن مۇلدەم تولەمەگەن بورىشكەرلەردىڭ سانى – 260. ءبىزدىڭ وبلىستا اليمەنتتى تولەۋشىلەر قاتارىندا 28 ايەل بار», دەيدى اقبوبەك دۇسىپقاليەۆا.
ونىڭ مالىمەتىنشە, بورىشكەرلەردى جۇمىس ورنالاستىرۋ ماقساتىندا 6 رەت جارمەڭكە ۇيىمداستىرىلىپتى. سونداي جارمەڭكەدەن سوڭ 617 بورىشكەر جۇمىسقا ورنالاسقان. تۇراقتى جۇمىس تاپقان بورىشكەرلەردىڭ اراسىندا اليمەنت بەرەشەگىن تولەمەگەن 542 ادام بار.
اتىراۋ وبلىسى
