وبلىس اكىمى قۇمار اقساقالوۆ الداعى رەفەرەندۋمنىڭ اشىق ءارى ءادىل ءوتۋى ماڭىزدى ەكەنىن اتاپ ءوتىپ, جاڭا كونستيتۋتسيانىڭ باستى قاعيدالارى ادامي كاپيتالدى دامىتۋعا, ازاماتتىق قۇندىلىقتاردى قورعاۋعا باعىتتالعانىن باسا ايتتى.
«15 ناۋرىزدا جاڭا كونستيتۋتسيانى قابىلداۋ بويىنشا رەسپۋبليكالىق رەفەرەندۋم وتەدى. كونستيتۋتسيانىڭ پرەامبۋلاسىندا العاش رەت ادامعا دەگەن قۇرمەت, جاۋاپكەرشىلىك جانە ادىلدىك قاعيداتتارى نەگىزگى قۇندىلىقتار رەتىندە كورسەتىلىپ وتىر. بۇل مەملەكەتتىك ساياساتتىڭ باستى باسىمدىعى – ادام, ونىڭ قۇقىقتارى مەن ءومىر ءسۇرۋ ساپاسى ەكەنىن ايقىندايدى», دەدى اكىم.
وبلىس باسشىسىنىڭ ايتۋىنشا, ءوڭىر ەكونوميكاسى وركەندەگەن سايىن, حالىقتىڭ ءال-اۋقاتى ارتىپ كەلەدى. كوپتەگەن جاڭا جۇمىس ورىندارى اشىلىپ, تۇرعىنداردىڭ تابىسى ەداۋىر وسكەن. زاماناۋي ينفراقۇرىلىمنىڭ ءورىسى كەڭەيىپ, جاستاردىڭ ساپالى ءبىلىم الۋىنا قاجەت جاعدايدىڭ ءبارى جاسالىپ وتىر.
استانادا جاڭا كونستيتۋتسيا جوباسى بويىنشا اۋقىمدى ءتۇسىندىرۋ جۇمىستارى ءوتتى
قازىرگى تاڭدا وبلىستا جالپى قۇنى 2,4 ترلن تەڭگەنى قۇرايتىن 79 ينۆەستيتسيالىق جوبا جۇزەگە اسىرىلىپ جاتىر. ناتيجەسىندە 13 مىڭنان استام جۇمىس ورنى اشىلادى. وڭىردە وتكەن جىلدىڭ وزىندە 12 يندۋستريالدى جوبا ىسكە قوسىلدى. ينۆەستيتسيا كولەمى – 337,3 ملرد تەڭگە. ايماق ەكونوميكاسىنا تىڭ سەرپىن اكەلگەن ءىرى جوبالاردىڭ قاتارىندا – ء«Kىا Qazaqstan» زاۋىتى (131,5 ملرد تەڭگە) دا بار. جىلىنا 70 مىڭ اۆتوكولىك شىعاراتىن كاسىپورىندا 1 500 ادام ەڭبەك ەتەدى. سونداي-اق بىلتىر «KamLitKZ» كومپانياسى اۆتوونەركاسىپكە قاتىستى ءۇش ءىرى جوبانى ىسكە اسىردى. اتالعان جوبا شەڭبەرىندە 1 150 جاڭا جۇمىس ورنى اشىلدى.
ءوڭىردىڭ اۋىل شارۋاشىلىعى سالاسىندا دا اۋىز تولتىرىپ ايتارلىق جەتىستىكتەر جەتەرلىك. ماسەلەن, وتكەن جىلدان بەرى استىقتى تەرەڭ وڭدەۋ جوباسى ىسكە اسىرىلا باستادى. مۇنىڭ سىرتىندا, قارابالىق, مەڭدىقارا, قوستاناي, فەدوروۆ, التىنسارين اۋداندارىندا 7 بىردەي زاماناۋي تاۋار-ءسۇت كەشەنى ىسكە قوسىلدى. بيىل ءدال وسىنداي تاعى 5 كەشەن اشىلماق.
كوشباسشى ايەلدەر جاڭا كونستيتۋتسيا قۇندىلىقتارىن تولىق قولدادى
دوڭگەلەك ۇستەل وتىرىسىندا كونستيتۋتسيالىق كوميسسيا مۇشەسى سايلاۋبەك ەسجانوۆ جاڭا كونستيتۋتسيا جوباسىندا قازاقستان حالقى ەگەمەندىكتىڭ يەسى, مەملەكەتتىك بيلىكتىڭ بىردەن-ءبىر باستاۋى رەتىندە قاراستىرىلعانىن ايتتى.
«اتامەكەن» پالاتاسىنىڭ وكىلى رەنات داۋلەتباەۆ جاڭا جوبادا جەكە مەنشىكتى قورعاۋ, زاڭ ۇستەمدىگى, ءادىل باسەكەلەستىك ءتارىزدى قۇندىلىقتاردىڭ كونستيتۋتسيا كۇشىمەن قورعالاتىنىن تىلگە تيەك ەتە كەلىپ, كاسىپكەرلەر ءۇشىن ماڭىزدى بىرنەشە باپتى تارقاتا تالداپ بەردى.
ازاماتتاردىڭ 90%-عا جۋىعى جاڭا كونستيتۋتسيا جوباسىن قولدايدى
وتىرىسقا قاتىسۋشىلار جاڭا كونستيتۋتسيا جوباسىن ءبىراۋىزدان قولداپ, الداعى رەفەرەندۋمدا ءوڭىردىڭ, جالپى ەلدىڭ تۇراقتى دامۋى ءۇشىن ء ۇن قاتىپ, ءوز تاڭداۋىمىزدى جاسايمىز دەگەن ۇيعارىمعا كەلدى.
قوستاناي وبلىسى
