مينيسترلىكتىڭ Instagram-داعى پاراقشاسىندا جاريالانعان مالىمەتكە سۇيەنسەك, ءبىر ۇشقىشسىز ۇشۋ اپپاراتى ناحچىۆان اۋەجايى تەرمينالىنىڭ عيماراتىنا تۇسكەن, ال تاعى ءبىر درون شاكاراباد اۋىلىنداعى مەكتەپتىڭ ماڭىنا قۇلاعان.
درون شابۋىلىنىڭ سالدارىنان عيماراتتارعا زاقىم كەلىپ, ەكى بەيبىت تۇرعىن جاراقات العان.
«يران يسلام رەسپۋبليكاسىنىڭ اۋماعىنان جاسالعان, اۋەجاي عيماراتىنا زاقىم كەلتىرىپ, ەكى بەيبىت تۇرعىننىڭ جاراقات الۋىنا اكەلگەن بۇل درون شابۋىلدارىن ءبىز قاتاڭ ايىپتايمىز», دەلىنگەن مالىمدەمەدە.
يراننىڭ درونى ازەربايجان اۋماعىنا قۇلادى: شەكاراعا اسكەر توپتاستىرىلىپ جاتىر
ۆەدومستۆونىڭ مالىمەتىنشە, ازەربايجان اۋماعىنا جاسالعان مۇنداي شابۋىل حالىقارالىق قۇقىقتىڭ نورمالارى مەن قاعيداتتارىن بۇزىپ, وڭىردەگى شيەلەنىستىڭ كۇشەيۋىنە سەبەپ بولادى.
ەلدىڭ سىرتقى ىستەر مينيسترلىگى يراننان قىسقا مەرزىم ىشىندە رەسمي تۇسىنىكتەمە بەرۋدى, وقيعا بويىنشا تەرگەۋ جۇرگىزۋدى جانە مۇنداي شابۋىلداردىڭ قايتالانباۋى ءۇشىن ءتيىستى شارالار قابىلداۋدى تالاپ ەتتى.
تۇركيا پرەزيدەنتى يران زىمىرانىنىڭ جويىلۋىنا قاتىستى پىكىر ءبىلدىردى
سونداي-اق يراننىڭ ازەربايجانداعى توتەنشە جانە وكىلەتتى ەلشىسى سىرتقى ىستەر مينيسترلىگىنە شاقىرىلىپ, وعان نارازىلىق نوتاسى تابىستالاتىنى حابارلاندى.
