يران باسشىسى قاقتىعىستىڭ الدىن الىپ, بەيبىت شەشىم تابۋ ماقساتىندا كەلىسسوزدەر مەن ءوزارا تۇسىنىستىككە نەگىزدەلگەن ساياسات ۇستانۋعا ۇمتىلعاندارىن, الايدا اقش پەن سيونيستىك كۇشتەردىڭ اسكەري اگرەسسياسى جاعدايدى كۇردەلەندىرىپ جىبەرگەنىن العا تارتتى.
يراننىڭ درونى ازەربايجان اۋماعىنا قۇلادى: شەكاراعا اسكەر توپتاستىرىلىپ جاتىر
«ولار بىزگە ءوز ەگەمەندىگىمىزدى جانە حالقىمىزدىڭ قاۋىپسىزدىگىن قورعاۋدان باسقا تاڭداۋ قالدىرمادى. ءبىزدىڭ ماقساتىمىز – سوعىستى كەڭەيتۋ ەمەس. ءبىز ءاردايىم ايماقتاعى بەيبىتشىلىك پەن تۇراقتىلىقتى قولدايمىز. سونىمەن قاتار كەز كەلگەن مەملەكەت سياقتى ءوز اۋماعىمىزدى, ۇلتتىق قاۋىپسىزدىگىمىزدى جانە حالقىمىزدىڭ ءومىرىن قورعاۋعا تولىق قۇقىعىمىز بار. ءبىز سىزدەردىڭ ەلدەرىڭىزدىڭ ەگەمەندىگى مەن اۋماقتىق تۇتاستىعىن قۇرمەتتەيمىز. ايماقتاعى قاۋىپسىزدىك پەن تۇراقتىلىق تەك سىرتقى كۇشتەردىڭ ارالاسۋىمەن ەمەس, ءوڭىر مەملەكەتتەرىنىڭ ءوزارا ىنتىماقتاستىعى, ءوزارا قۇرمەتى جانە بىرلەسكەن كۇش-جىگەرى ارقىلى قامتاماسىز ەتىلۋى ءتيىس دەپ سانايمىز», دەلىنگەن يران پرەزيدەنتىنىڭ ۇندەۋىندە.
پەزەشكيان بارلىق دوستاس جانە كورشىلەس مەملەكەتتەردى ايماقتاعى بەيبىتشىلىك پەن تۇراقتىلىقتى ساقتاۋعا باعىتتالعان ديالوگ پەن ءوزارا قولداۋدى جالعاستىرۋعا شاقىردى.
ء«بىزدىڭ ورتاق ماقساتىمىز – حالىقتارىمىزدىڭ قاۋىپسىزدىگى مەن بولاشاعىن قامتاماسىز ەتەتىن تۇراقتى ءارى بەيبىت ءوڭىر قالىپتاستىرۋ», دەدى ول.
