فوتو:polisia.kz
ونىڭ ايتۋىنشا, تەرگەۋگە بايلانىستى كۇدىكتىلەردى جاقىن ارادا يندونەزيادان قازاقستانعا جەتكىزۋ جوسپارلانىپ وتىر. قازىرگى ۋاقىتتا وسى باعىتتا بەلسەندى جۇمىس جۇرگىزىلىپ جاتىر.
«كۇدىكتىلەردى وسى ايدىڭ ىشىندە ەلگە اكەلۋ كوزدەلىپ وتىر. قوسىمشا اقپارات تەرگەۋ مۇددەسىنە سايكەس كەيىنىرەك بەرىلەدى», دەدى ۆيتسە-مينيستر سەنات كۋلۋارىندا.
سونىمەن قاتار, ول ءىز-ءتۇزسىز جوعالعان وتباسىنىڭ ەكى مۇشەسىنە – مەيرامگۇل قارابالينا مەن ناۋرىز مۇقانعاليەۆكە قاتىستى ىزدەۋ جۇمىستارى دا جالعاسىپ جاتقانىن ايتتى.
ۆيتسە-ءمينيستردىڭ سوزىنشە, ەكى ايدان بەرى تابىلماي جاتقان ازاماتتارعا قاتىستى كەشەندى ىزدەستىرۋ شارالارى جۇرگىزىلىپ جاتىر, ارنايى تەرگەۋ توبى قۇرىلعان.
ەسكە سالايىق, بۇعان دەيىن اتىراۋ وبلىسى, قىزىلقوعا اۋدانى, جانگەلدين اۋىلىندا ءبۇتىن ءبىر وتباسى جوعالىپ كەتكەنى تۋرالى حابارلانعان بولاتىن. كەيىن ەرلى-زايىپتىنىڭ ءمايىتى تابىلىپ, كۇيەۋ بالاسى مەن قىزىنا حالىقارالىق ىزدەۋ جاريالاندى.
