فوتو: instagram.com/fctobol
وبلىس اكىمدىگى پرەزيدەنت قاسىم-جومارت توقاەۆتىڭ فۋتبولدى كوممەرتسيالاندىرۋ جونىندە بەرگەن تاپسىرماسىنا سايكەس, Eurasian Resources Group ديرەكتورلار كەڭەسىنىڭ توراعاسى جانە باس اتقارۋشى ديرەكتورى شۋحرات يبراگيموۆ قوستانايدىڭ «توبىل» فۋتبول كلۋبىن ساتىپ العانىن حابارلادى.
Forbes Kazakhstan دەرەگىنشە, 2024 جىلى يبراگيموۆتەر وتباسىنىڭ بايلىعى شامامەن 1,5 ميلليارد دوللار دەپ باعالانعان.
ال «توبىل» فۋتبول كلۋبى وتكەن ماۋسىمدا قازاقستان پرەمەر-ليگاسىندا قولا جۇلدەگەرى اتانىپ, قازاقستان كۋبوگىن جەڭىپ الدى. كوماندا بيىلعى ماۋسىمدى دا ءساتتى باستادى. قازاقستان سۋپەركۋبوگى ءۇشىن وتكەن ماتچتا قوستانايلىق قۇراما الماتىلىق «قايرات» كلۋبىنان باسىم ءتۇستى. نەگىزگى ۋاقىت 2:2 ەسەبىمەن اياقتالعانمەن, پەنالتي سەرياسىندا «توبىل» 5:4 ەسەبىمەن جەڭىسكە جەتتى.
بۇعان دەيىن «قايساردىڭ» ينۆەستورى – «TAU Group Ltd» وكىلى يسلامعالي قوزباقوۆ, «قىزىلجاردىڭ» جاڭا يەسى – كاسىپكەر سەرگەي كان, «جەڭىس» كلۋبىنىڭ ينۆەستورى – كاسىپكەر ميحايل لومتادزە بولعانى ءمالىم بولدى.
