سۋرەت: facebook.com/railways.kz
كەشتىڭ ەڭ اسەرلى ساتتەرىنىڭ ءبىرى – وسى ءبىلىم ورداسىنىڭ بۇرىنعى ديرەكتورى, ارداگەر ۇستاز نىسانباەۆا باتيما قالپيەۆنانى ەرەكشە قۇرمەتپەن قارسى الۋ بولدى. جينالعان قاۋىم ونىڭ سانالى عۇمىرىن ءبىلىم سالاسىنا ارناعان ەڭبەگىن ريزاشىلىقپەن ەسكە الىپ, ومىرلىك تاجىريبەسى مەن ونەگەلى جولىن ىلتيپاتپەن اتاپ ءوتتى. ارداگەر ۇستازعا كورسەتىلگەن قۇرمەت زالداعى بارشا جاننىڭ جۇرەگىنە جىلىلىق سىيلادى.
مەرەكەلىك كەشكە ارنايى شاقىرىلعان قاراساي اۋداندىق ءبىلىم ءبولىمىنىڭ باسشىسى مەن اۋدان مەكتەپتەرىنىڭ ديرەكتورلارى دا شارانى زور ىقىلاسپەن تاماشالاپ, ۇجىمنىڭ ۇيىمشىلدىعىنا ريزاشىلىقتارىن ءبىلدىردى.
كەش بارىسىندا قاراساي اۋداندىق ءبىلىم ءبولىمىنىڭ باسشىسى اسەل ابلەەۆنا بىرقاتار ۇستازدى قۇرمەت گراموتاسىمەن ماراپاتتاپ, ولاردىڭ ۇستازدىق جولداعى قاجىرلى ەڭبەگىن جوعارى باعالادى. ال باتيما قالپيەۆنا جينالعان قاۋىمعا جۇرەكجاردى العىسىن ايتىپ, اق باتاسىن بەردى.
مەرەكەلىك كەشتى №2 مەكتەپتىڭ وقۋشىلارى اسەم انمەن, مىڭ بۇرالعان بيمەن جانە اسەرلى قويىلىمدارىمەن كورىكتەندىردى. ءاربىر ونەر ءنومىرى كورەرمەندەرگە ەرەكشە كوڭىل كۇي سىيلاپ, زالدى شاتتىق پەن قول شاپالاققا بولەدى.
سونىمەن قاتار قاراساي اۋداندىق ءبىلىم ءبولىمىنىڭ سەكتور مەڭگەرۋشىسى باعلان قاناتوۆنا كاسىپوداق اتىنان مەرەكەلىك قۇتتىقتاۋىن جەتكىزىپ, ءبىلىم سالاسىنا ەڭبەگى سىڭگەن ۇستازداردى العىس حاتتارمەن ماراپاتتادى.
كەش سوڭىندا №2 مەكتەپ ديرەكتورى جۇمابەكوۆ سامات سۇيىمبەك ۇلى قوناقتاردى كوكتەمنىڭ شۋاقتى مەرەكەسىمەن قۇتتىقتاپ, ۇجىمعا قولداۋ بىلدىرگەن ارىپتەستەرىنە شىنايى ريزاشىلىعىن جەتكىزدى. مەرەكەلىك كەش قاتىسۋشىلاردىڭ جۇرەگىندە ۇزاق ساقتالاتىن جىلى اسەر قالدىردى.
