مەملەكەتتىك سىياقى العانداردىڭ 388 799-ى – جەكە باسپاناسى جوق ءارى تۇرعىن ءۇي كەزەگىندە تۇرعان ازاماتتار. ولاردىڭ 237 688-ءى بۇرىن kezekte.kz پورتالىندا تىركەلگەن. بۇل سالىمشىلار بولاشاقتا جىلدىق مولشەرلەمەسى 2%-دان باستالاتىن جەڭىلدەتىلگەن زاەم الۋ ءۇشىن «وتباسى بانكتە» جوسپارلى تۇردە قاراجات جيناپ جاتىر. ال 151 111 ازامات 2025 جىلعى 24 مامىردان كەيىن orken.otbasybank.kz پورتالىندا تۇرعىن ۇيگە مۇقتاج رەتىندە تىركەلىپ, بيىل عانا دەپوزيت اشا باستاعان.
2025 جىلدىڭ ناتيجەسى بويىنشا دەپوزيتتەرىنە مەملەكەتتىك سىياقى ەسەپتەلگەن كەزەكتە تۇرعان ازاماتتاردىڭ اراسىندا I جانە II توپتاعى 12 059 مۇگەدەك, 57 551 كوپبالالى وتباسى, مۇمكىندىگى شەكتەۋلى بالا تاربيەلەپ وتىرعان 10 679 وتباسى, سونداي-اق «جەتىم بالالار جانە اتا-اناسىنىڭ قامقورلىعىنسىز قالعان بالالار» ساناتى بويىنشا كەزەكتە تۇرعان 13 966 ادام بار.
دۇنيەجۇزىلىك بانك 1 ملرد دوللار ءبولدى: ونى قازاقستان قاي ماقساتتا قولدانادى؟
سونىمەن بىرگە تۇرعىن ءۇي قۇرىلىس جيناق جۇيەسىنە قاتىساتىن 303 406 جاس سالىمشى دا مەملەكەتتىك سىياقى الدى. اتا-انالارى بالالاردىڭ بولاشاقتا باسپانالى بولۋى ءۇشىن ولاردىڭ اتىنا دەپوزيت اشقان. بيىل بۇل شوتتارعا 9,6 ملرد تەڭگە كولەمىندە مەملەكەتتىك سىياقى اۋدارىلدى.
جالپى العاندا, قازاقستاندىقتارعا ەسەپتەلگەن مەملەكەتتىك سىياقىنىڭ جيىنتىق كولەمى 124,4 ملرد تەڭگەنى قۇرادى. ءبىر سالىمشىعا بەرىلگەن ەڭ جوعارى سىياقى مولشەرى 157 280 تەڭگە بولدى. ءدال وسى ەڭ جوعارى سومانى 591 709 ادام يەلەندى.
مەملەكەتتىك سىياقى ەسەپتەلگەن 555 732 دەپوزيت ونلاين فورماتتا – ءموبيلدى قوسىمشا جانە بەينەسەرۆيس ارقىلى اشىلعان. جيناق شوتتارىنىڭ ەڭ كوپ سانى شىمكەنت قالاسىندا تىركەلدى – 164 146 سالىم. استانا قالاسىندا – 126 341 سالىم, الماتى قالاسىندا – 113 297 سالىم اشىلعان. بۇل قالالاردا مەملەكەتتىك سىياقى ەسەپتەلگەن دەپوزيتتەردىڭ ۇلەسى جوعارى.
مەملەكەتتىك سىياقى زاڭناماعا سايكەس تولەنەدى جانە ازاماتتاردىڭ تۇرعىن ۇيگە قاراجات جيناۋىن جەدەلدەتۋگە باعىتتالعان. ايتا كەتۋ كەرەك, اعىمداعى جىلى سىياقى وتكەن جىلدارى سىياقى ەسەپتەلگەن سالىم سوماسىنا قايتا ەسەپتەلمەيدى. ەگەر سىياقى ەسەپتەلەتىن جيناق مولشەرى 200 اەك-تەن اسسا, سىياقى بەرىلمەگەن قالدىق سوما كەلەسى جىلدىڭ قورىتىندىسى بويىنشا ەسەپتەۋ كەزىندە ەسكەرىلەدى.
ۇلتتىق بانك توراعاسى ازاماتتارعا يپوتەكاعا ءۇي الۋدى كەيىنگە قالدىرۋعا كەڭەس بەردى
مىسالى, 2024 جىلدىڭ سوڭىندا سالىمشى دەپوزيتىندە 1 ملن تەڭگە بولسا, مەملەكەتتىك سىياقى تەك 200 اەك كولەمىندەگى سوماعا عانا ەسەپتەلدى. قالعان ايىرما 2025 جىلدىڭ قورىتىندىسى بويىنشا سىياقى ەسەپتەگەندە نازارعا الىندى.
ەگەر ءبىر ادامنىڭ بانكتە بىرنەشە دەپوزيتى بولسا, مەملەكەتتىك سىياقى ونىڭ تاڭداۋى بويىنشا تەك ءبىر شوتقا عانا اۋدارىلادى. قاجەت بولعان جاعدايدا سالىمشى ەسەپتى جىل اياقتالعانعا دەيىن بانكتىڭ ءموبيلدى قوسىمشاسىندا ءتيىستى جيناق شوتىن بەلگىلەپ, وزگەرىس ەنگىزۋى ءتيىس.
2026 جىلدىڭ قورىتىندىسى بويىنشا مەملەكەتتىك سىياقىنىڭ ەڭ جوعارى مولشەرى 173 000 تەڭگە بولادى. ونى الۋ ءۇشىن «وتباسى بانك» شوتىندا كەمىندە 865 000 تەڭگە (200 اەك) جيناقتالۋى قاجەت. بۇل ءۇشىن اي سايىن شامامەن 73 000 تەڭگەدەن سالىپ وتىرۋ ۇسىنىلادى.
بانك سىياقىسى مەن مەملەكەتتىك سىياقىنى قوسقاندا, دەپوزيتتەر بويىنشا جىلدىق ءتيىمدى مولشەرلەمە 14%-عا دەيىن جەتەدى.
مەملەكەتتەن كومەك العان بانكتەرگە ديۆيدەند تولەۋگە شەكتەۋ قويىلۋى مۇمكىن
جيناق جۇيەسى قازاقستاندىقتارعا جىلدىق مولشەرلەمەسى 3,5%-دان باستالاتىن (جتسم 3,6%-دان 4,4%-عا دەيىن) قولجەتىمدى نەسيە الىپ, جەكە باسپاناسىن ساتىپ الۋعا مۇمكىندىك بەرەدى.
