فوتو: اشىق دەرەككوز
سوتتا انىقتالعانداي, س. مەكتەپ ديرەكتورى بولا وتىرىپ, باس بۋحگالتەر ا.-مەن ءسوز بايلاسىپ, 2015 جىلعى قازاننان 2024 جىلعى تامىزعا دەيىن وقۋ ورنىندا ءىس جۇزىندە جۇمىس ىستەمەگەن 6 ەدەن جۋشىنى تابەلگە نەگىزسىز ەنگىزىپ وتىرعان. سونىڭ سالدارىنان شامامەن 29 ملن تەڭگە كولەمىندە قاراجات جىمقىرىلعان.
بۇدان بولەك, س. 2015-2024 جىلدارى مەكتەپ جارعىسىندا كوزدەلمەگەنىنە قاراماستان, جەكە-دارا شەشىم قابىلداپ, 501 وقۋشىعا ءبىلىم بەرۋ قىزمەتىنىڭ اقىسىنا جالپى سوماسى 183 ملن تەڭگە كولەمىندە زاڭسىز جەڭىلدىك بەرگەن. اتالعان مەكتەپتە وقۋ اقىلى نەگىزدە جۇرگىزىلگەن.
سوت س.-نىڭ بۇل ارەكەتتەرىن قىزمەتتىك وكىلەتتىكتەرىن قىزمەت مۇددەسىنە قايشى پايدالانۋ, وزگە تۇلعالارعا نەگىزسىز ارتىقشىلىقتار بەرۋ جانە مەكەمەگە ەلەۋلى زيان كەلتىرۋ دەپ باعالادى.
وقۋشىلاردى جالعان تىركەۋ: 2 966 مەكتەپتە زاڭبۇزۋشىلىق انىقتالدى
2018 جىلعى 1 قاڭتاردان 2024 جىلعى 31 مامىرعا دەيىن س. مەن ا. مەكتەپ جانىنان «0» سىنىپتاردى ۇيىمداستىرىپ, اتا-انالاردان اقىلى قىزمەت ءۇشىن قولما-قول اقشانى باقىلاۋ-كاسسا اپپاراتىنسىز قابىلداعان. تۇسكەن قاراجات مەكتەپتىڭ ەسەپشوتىنا اۋدارىلماي, بۋحگالتەرلىك ەسەپتە كورسەتىلمەگەن. وسى كەزەڭدە 305 ملن تەڭگە كولەمىندەگى قاراجات جۇمسالعان.
سونىمەن قاتار س. 2021-2024 جىلدارى جازعى لاگەر قىزمەتىنەن تۇسكەن, كگۋ ەسەبىندە كورسەتىلمەگەن 25 ملن تەڭگەنى يەمدەنگەنى انىقتالدى.
تاعى ءبىر ەپيزودتا 2017 جىلعى قازاننان 2024 جىلعى مامىرعا دەيىن س. شەتەلدىك مۇعالىمدەردىڭ جالاقىسىن جاساندى تۇردە كوتەرۋ ارقىلى دەلدالدار كومەگىمەن 75 ملن تەڭگە كولەمىندە مەكتەپ قاراجاتىن جىمقىرعان.
تەرگەۋ ماتەريالدارىنا سايكەس, ا. 2017-2024 جىلدارى قىلمىستىق جولمەن الىنعان بيۋدجەت قاراجاتىن زاڭداستىرۋ ماقساتىندا شامامەن 176 ملن تەڭگەنى جەكە دەپوزيتتىك شوتىنا اۋدارىپ, ودان 9 ملن تەڭگە سىياقى العان.
583 ملن تەڭگەدەن استام زالال: تۇركىستاندا مەكتەپ قارجىسىن جىمقىرعان 14 ادام سوتتالدى
سوتتالۋشىلار كىنالارىن مويىندامادى. قورعاۋ تاراپى ولاردىڭ ارەكەتتەرىندە قىلمىس قۇرامى جوق ەكەنىن ايتىپ, اقتاۋدى سۇرادى. الايدا سوت جابىرلەنۋشىلەر وكىلدەرىنىڭ, كۋالاردىڭ ايعاقتارىن, ماماندار قورىتىندىلارىن جانە زاتتاي دالەلدەمەلەردى نەگىزگە الا وتىرىپ, ايىپ تولىق دالەلدەندى دەگەن تۇجىرىمعا كەلدى.
جازا تاعايىنداۋ كەزىندە سوت س.-نىڭ 65 جاستا ەكەنىن جانە ا.-نىڭ ءۇش كامەلەتكە تولماعان بالاسى بارىن جەڭىلدەتەتىن ءمان-جاي رەتىندە ەسكەردى. اۋىرلاتاتىن ءمان-جايلار انىقتالعان جوق.
دەگەنمەن, 2015-2024 جىلدارى جاسالعان اۋىر سىبايلاس جەمقورلىق قىلمىستارىنىڭ سيپاتىن, اسا ءىرى مولشەردەگى وتەلمەگەن زالالدى جانە زاڭسىز ارەكەتتەردىڭ ۇزاق ۋاقىت بويى جالعاسقانىن ەسكەرىپ, سوت:
- س.-نى 8 جىلعا باس بوستاندىعىنان ايىرىپ, ەكى قاباتتى تۇرعىن ءۇيىن, اۆتوتۇراق ورنىن جانە زەرگەرلىك بۇيىمدارىن تاركىلەۋ تۋرالى ۇكىم شىعاردى;
- ا.-نى 7 جىلعا باس بوستاندىعىنان ايىرىپ, اۆتوكولىگىن, اۆتوتۇراق ورنىن جانە زەرگەرلىك بۇيىمدارىن تاركىلەدى.ا.-نىڭ ءۇش كامەلەتكە تولماعان بالاسىنىڭ بولۋىنا بايلانىستى باس بوستاندىعىنان ايىرۋ جازاسىن وتەۋ 1 جىلعا كەيىنگە قالدىرىلدى.
سونداي-اق سوت 588 ملن تەڭگە كولەمىندەگى ازاماتتىق تالاپتى قاناعاتتاندىردى. ۇكىم زاڭدى كۇشىنە ەنگەن جوق.
