پرەزيدەنت • 01 ناۋرىز, 2026

قاسىم-جومارت توقاەۆ تاياۋ شىعىس ەلدەرىنىڭ كوشباسشىلارىنا قولداۋ جەدەلحاتتارىن جولدادى

30 رەت

كورسەتىلدى

1 مين

وقۋ ءۇشىن

قازاقستان پرەزيدەنتى بىرىككەن اراب امىرلىكتەرى, ساۋد ارابياسى, قاتار, باحرەين جانە كۋۆەيت مەملەكەتتەرىنىڭ باسشىلارىنا وسىناۋ قيىن-قىستاۋ كەزەڭدە شىنايى قولداۋى مەن تىلەكتەستىگىن ءبىلدىرىپ, حات جولدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

ايانا توعانبەك

قاسىم-جومارت توقاەۆ تاياۋ شىعىس ەلدەرىنىڭ كوشباسشىلارىنا قولداۋ جەدەلحاتتارىن جولدادى

فوتو: اقوردا

مەملەكەت باسشىسى دوستاس ءارى باۋىرلاس ەلدەردىڭ تاۋەلسىزدىگى مەن قاۋىپسىزدىگىنە نۇقسان كەلتىرۋگە باعىتتالعان بارلىق اسكەري ارەكەتتى باتىل ايىپتايدى.

«قازاقستان حالىقارالىق كۇردەلى پروبلەمالار مەن قارۋلى قاقتىعىستاردىڭ ءبارىن تەك ديپلوماتيالىق جولمەن شەشۋدى ۇدايى جاقتايدى», دەلىنگەن حاتتا.

قاسىم-جومارت توقاەۆ قازاقستان باۋىرلاس اراب مەملەكەتتەرىنە قال-قادەرىنشە كومەك كورسەتۋگە دايىن ەكەنىن ايتىپ, اتالعان ەلدەردىڭ باسشىلارىمەن تۇراقتى قىزمەتتىك قارىم-قاتىناس جالعاساتىنىنا ۇمىتتەنەتىنىن جەتكىزدى.

ەسكە سالا كەتەيىك, 28 اقپان كۇنى تاڭەرتەڭ يزرايل يرانعا سوققى جاسادى. شابۋىلدى ەلدىڭ قورعانىس ءمينيسترى يسراەل كاتس راستادى. تەگەران قالاسىندا كەمىندە ءۇش جارىلىس بولدى.