فوتو: قورعانىس مينيسترلىگى
«اتالعان بەينەماتەريال – جالعان. ۆيدەو جاساندى ينتەللەكت تەحنولوگيالارىن (deepfake) پايدالانۋ ارقىلى جاسالعان, ال داۋىس بۇرىنعى سۇحبات نەگىزىندە قۇراستىرىلعان. تاراتىلىپ جاتقان اقپارات شىندىققا سايكەس كەلمەيدى جانە قورعانىس ۆەدومستۆوسىنىڭ رەسمي ۇستانىمىن بىلدىرمەيدى», دەلىنگەن حابارلامادا.
ۆەدومستۆو قولدانىستاعى زاڭناماعا سايكەس جالعان اقپاراتتى تاراتۋ جاۋاپكەرشىلىككە اكەپ سوعاتىنىن ەسكە سالدى. بۇقارالىق اقپارات قۇرالدارىنىڭ وكىلدەرى مەن الەۋمەتتىك جەلى پايدالانۋشىلارىن تەك رەسمي دەرەككوزدەرگە سەنۋگە جانە تەكسەرىلمەگەن اقپاراتتى تاراتپاۋعا شاقىردى.
ەسكە سالا كەتەيىك, الەۋمەتتىك جەلىلەردە 2026 جىلى تابىسى 232 مىڭ تەڭگەدەن تومەن وتباسىلارعا جانە بەلگىلى ءبىر اۋرۋى بار ازاماتتارعا 432 500 تەڭگە كولەمىندە بىرجولعى تولەم بەرىلەتىنى تۋرالى اقپارات تارادى. الايدا بۇل مالىمەت شىندىققا جاناسپايدى.
