باسقوسۋ بارىسىندا حالىقارالىق ءپان وليمپيادالارى مەن عىلىمي جوبالار كونكۋرستارىنىڭ تىزبەسى قارالدى. ەندى اتالعان زياتكەرلىك دودالاردىڭ جەڭىمپازدارى «باكالاۆريات» باعىتى بويىنشا «بولاشاق» ستيپەندياسىنا ۇمىتكەر بولا الادى.
تالقىلاۋ قورىتىندىسىندا تىزبەگە ماتەماتيكا, فيزيكا, حيميا, بيولوگيا مەن باسقا دا جالپى ءبىلىم بەرەتىن پاندەردەن وتەتىن بەلدى حالىقارالىق وليمپيادالاردى قوسۋ ۇسىنىلدى.
كەيىنگى 3 جىلدا ەلىمىزدىڭ 76 وقۋشىسى جالپى ءبىلىم بەرەتىن پاندەرگە ارنالعان حالىقارالىق وليمپيادالاردىڭ جۇلدەگەرى اتانعان.
سونداي-اق وتىرىس بارىسىندا باعدارلاماعا جاڭادان قوسىلعان «اتوم سالاسى قىزمەتكەرلەرى» ساناتى بويىنشا كونكۋرستىق ىرىكتەۋگە قاتىسۋشىلارعا قويىلاتىن تالاپتار مەن ولشەمشارتتار تالقىلاندى. بىلىكتىلىگى جوعارى كادر دايارلاۋ وتاندىق اتوم ونەركاسىبىن ساپالى دامىتۋداعى ماڭىزدى قادامنىڭ ءبىرى بولادى.
جيىن سوڭىندا عىلىم جانە جوعارى ءبىلىم مينيسترلىگىنە جانە حالىقارالىق باعدارلامالار ورتالىعىنا «بولاشاق» باعدارلاماسى اياسىنداعى كونكۋرستىق ىرىكتەۋدىڭ تەتىكتەرىن ودان ءارى جەتىلدىرۋ جونىندە ناقتى حاتتامالىق تاپسىرمالار بەرىلدى.
