قىتاي – ءبىرىنشى, ءۇندىستان – ەكىنشى
قىتاي 2026 جىلى جاھاندىق ناقتى ىشكى جالپى ءوسىمىنىڭ 26,6%-ىن قامتاماسىز ەتەدى. ەل ەكونوميكاسى 4,2%-عا ۇلعايادى دەپ كۇتىلەدى. ءوسىم قارقىنى بۇرىنعى جىلدارمەن سالىستىرعاندا باياۋلاعانىمەن, قىتاي ەكونوميكاسىنىڭ كولەمى ۇلكەن بولعاندىقتان, ونىڭ الەمدىك وسىمدەگى ءرولى باسىم.
ءۇندىستان 6,2% وسىممەن ەكىنشى ورىندا تۇر. ونىڭ جاھاندىق وسىمگە قوساتىن ۇلەسى – 17%. ەكى ەل بىرىگىپ, 2026 جىلعى الەمدىك ەكونوميكالىق ءوسىمنىڭ 43%-دان استامىن قامتاماسىز ەتەدى. بۇل – جاھاندىق ەكونوميكالىق ورتالىقتىڭ ازياعا قاراي ىعىسقانىن اڭعارتادى.
اقش پەن ەۋروپا: ءوسىم بار, قارقىن باياۋ
دامىعان مەملەكەتتەر اراسىندا ەڭ ءىرى ۇلەس اقش-قا تيەسىلى. 2026 جىلى امەريكا ەكونوميكاسى 2,1%-عا ءوسىپ, جاھاندىق ءوسىمنىڭ 9,9%-ىن بەرەدى.
ەۋروپانىڭ جيىنتىق ۇلەسى 9,5% شاماسىندا. گەرمانيا, فرانتسيا, يتاليا, يسپانيا سەكىلدى ەلدەر ۇلەس قوسقانىمەن, حالىق سانىنىڭ قارتايۋى مەن قارجى جاعدايىنىڭ قاتايۋى ايماقتىڭ ەكونوميكالىق بەلسەندىلىگىن تەجەپ وتىر.
دامۋشى نارىقتار كۇشەيىپ كەلەدى
العاشقى وندىققا يندونەزيا, تۇركيا, ساۋد ارابياسى, مىسىر, ۆەتنام, برازيليا جانە نيگەريا كىردى. بۇل ەلدەر 3,7%-دان 5,6%-عا دەيىن ءوسىم كورسەتەدى دەپ كۇتىلۋدە. ياعني دامۋشى ەكونوميكالار جاھاندىق ءوسىمنىڭ ماڭىزدى بولىگىنە اينالدى.
قازاقستاننىڭ ورنى قانداي؟
قازاقستان 2026 جىلى 4,8% ءوسىم كورسەتەدى دەگەن بولجام بار. ەلدىڭ جاھاندىق وسىمدەگى ۇلەسى – 0,7%. كورسەتكىش ءىرى ەكونوميكالارمەن سالىستىرعاندا شاعىن بولعانىمەن, ايماقتىق دەڭگەيدە بۇل ماڭىزدى ديناميكا.
2026 جىلعى جاھاندىق ناقتى ءجىو وسىمىنە ۇلەس قوساتىن العاشقى 30 ەل (رەيتينگ):
- قىتاي – 26,6%
- ءۇندىستان – 17,0%
- اقش – 9,9%
- يندونەزيا – 3,8%
- تۇركيا – 2,2%
- ساۋد ارابياسى – 1,7%
- مىسىر – 1,7%
- ۆەتنام – 1,6%
- برازيليا – 1,5%
- نيگەريا – 1,5%
- بانگلادەش – 1,3%
- فيليپپين – 1,3%
- رەسەي – 1,1%
- پولشا – 1,0%
- گەرمانيا – 0,9%
- ۇلىبريتانيا – 0,9%
- پاكىستان – 0,9%
- مالايزيا – 0,9%
- ارگەنتينا – 0,9%
- يسپانيا – 0,9%
- وڭتۇستىك كورەيا – 0,9%
- مەكسيكا – 0,8%
- قازاقستان – 0,7%
- ءباا – 0,7%
- جاپونيا – 0,6%
- فرانتسيا – 0,6%
- كانادا – 0,6%
- تايۆان – 0,6%
- اۆستراليا – 0,6%
- يتاليا – 0,5%
