فوتو: ەڭبەك جانە حالىقتى الەۋمەتتىك قورعاۋ مينيسترلىگى
كونستيتۋتسيا − قۇقىقتار مەن بوستاندىقتاردىڭ نەگىزگى قاعيداتتارى مەن كەپىلدىكتەرىن بەكىتەتىن, ولاردىڭ ىرگەلى سيپاتىن ايقىندايتىن جوعارى زاڭدىق كۇشى بار اكت. قۇقىقتاردى ىسكە اسىرۋدىڭ ناقتى مازمۇنى مەن تەتىكتەرى سالالىق زاڭنامادا ايقىندالادى.
«27-باپتىڭ جوباسىندا دەمالىس قۇقىعى زاڭمەن كەپىلدىك بەرىلەتىن الەۋمەتتىك قۇقىق رەتىندە بەكىتىلەدى. دەمالىس − وسى قۇقىقتى جۇزەگە اسىرۋ نىساندارىنىڭ ءبىرى. ونىڭ ۇزاقتىعى, كەزەڭدىلىگى, بەرىلۋ ءتارتىبى جانە وزگە دە شارتتارى ەڭبەك زاڭناماسىمەن رەتتەلەدى. ەڭبەك كودەكسى جىل سايىنعى اقى تولەنەتىن ەڭبەك دەمالىسىن تىكەلەي كوزدەيدى, ونىڭ ەڭ تومەنگى ۇزاقتىعىن, بەرىلۋ ءتارتىبىن, سونداي-اق دەمالىس بەرمەۋگە تىيىم سالۋدى بەلگىلەيدى», دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاماسىندا.
سونىمەن قاتار, ەڭبەك كودەكسىندە «دەمالىس» ۇعىمى ونىڭ ءارتۇرلى تۇرلەرىن, اتاپ ايتقاندا, جىل سايىنعى اقى تولەنەتىن ەڭبەك دەمالىسىن, الەۋمەتتىك دەمالىستاردى جانە زاڭنامادا كوزدەلگەن وزگە دە دەمالىس تۇرلەرىن قامتيدى.
«وسىعان بايلانىستى جوبادا ۇسىنىلعان رەداكتسيا زاڭ تەحنيكاسى تۇرعىسىنان نەعۇرلىم ءدال جانە جيناقى جاسالعان. بۇل رەتتە دەمالىس قۇقىعى مەملەكەت تاراپىنان كەپىلدىك بەرىلگەن قۇقىق رەتىندە ساقتالادى. اتالعان نورمالار قولدانىستا قالادى جانە كونستيتۋتسيانىڭ جاڭا رەداكتسياسىنىڭ جوباسىنا قايشى كەلمەيدى», دەلىنگەن اتالعان مينيسترلىكتىڭ مالىمەتىندە.
جاڭا كونستيتۋتسيا جوباسىندا ادۆوكاتۋرا مارتەبەسىنىڭ بەكىتىلۋى قانداي ماڭىزعا يە؟
كونستيتۋتسيالىق نورمانىڭ جاڭارتىلعان رەداكتسياسى جىل سايىنعى اقى تولەنەتىن ەڭبەك دەمالىسىنىڭ كۇشىن جويمايدى جانە ەڭبەك زاڭناماسى اۆتوماتتى تۇردە وزگەرمەيدى.
ۆەدومستۆو ازاماتتاردى تەك رەسمي اقپارات كوزدەرىنە سۇيەنۋگە جانە نەگىزسىز قورىتىندىلاردى تاراتۋدان تارتىنۋعا شاقىردى.
قازاقستاندا اۆتوبۋستار جاڭا كونستيتۋتسيا جوباسى تۋرالى اقپارات تاراتۋ الاڭىنا اينالدى
