ەلىمىزدىڭ كوپتەگەن وڭىرلەرىندە قار جاۋىپ, بوران سوعادى, تۇمان ءتۇسىپ, كوكتايعاق بولادى. جەلدىڭ جىلدامدىعى كەي جەرلەردە 15-20 م/س-قا جەتىپ, ەكپىنى 23-28 م/س, كەي وڭىرلەردە 30 م/س جانە ودان دا جوعارى بولۋى مۇمكىن.
-
اباي وبلىسىندا قار, بوران, تۇمان جانە كوكتايعاق كۇتىلەدى. جەلدىڭ ەكپىنى 30 م/س-تەن اسۋى ىقتيمال.
-
اقمولا, پاۆلودار, قوستاناي, سولتۇستىك قازاقستان, قاراعاندى, ۇلىتاۋ وبلىستارىندا قار مەن بوران كۇتىلەدى, تۇمان تۇسەدى.
-
شىعىس قازاقستان وبلىسىندا كەي اۋماقتاردا قاتتى قار جاۋىپ, بوران سوعادى.
-
جەتىسۋ وبلىسىندا تۇمان تۇسەدى, الاكول ماڭىندا جەل 23-28 م/س-قا دەيىن كۇشەيەدى.
-
قىزىلوردا, ماڭعىستاۋ, باتىس قازاقستان, اقتوبە وبلىستارىندا تۇمان جانە ەكپىندى جەل كۇتىلەدى.
-
جامبىل, تۇركىستان, الماتى وبلىستارىندا تۇمان بولادى, تاۋلى ايماقتاردا جەل كۇشەيەدى.
-
الماتى قالاسى مەن شىمكەنتتە تۇنگى جانە تاڭعى ۋاقىتتا تۇمان كۇتىلەدى.
-
استانادا قار, بوران جانە كوكتايعاق بولجانىپ وتىر.
سولتۇستىك قازاقستان وبلىسىندا اۋا تەمپەراتۋراسى كۇرت تومەندەپ, كۇندىز جانە تۇندە 20-25 گرادۋس ايازعا دەيىن بارادى. كەي اۋدانداردا 24 اقپانعا قاراعان ءتۇنى 32-37 گرادۋسقا دەيىن سۋىتۋى مۇمكىن. الماتى قالاسى مەن الماتى وبلىسى اۋماعىنداعى ۇلكەن جانە كىشى الماتى وزەندەرى باسسەيندەرىندە قار جامىلعىسىنىڭ قالىڭ ءارى تۇراقسىز بولۋىنا جانە جىلىمىققا بايلانىستى قار كوشكىنى قاۋپى ساقتالادى.
پاۆلوداردا كوكتايعاق سالدارىنان 150-دەن استام ادام جاراقات العان
ماماندار قار باسقان تاۋ بەتكەيلەرىنە شىقپاۋعا كەڭەس بەرەدى, سەبەبى بۇل قار كوشكىنىن قوزدىرۋى مۇمكىن. تاۋلى جەرلەردە بارىنشا ساق بولۋ قاجەت.
