سپورتتىق دوداعا ەلىمىزدىڭ تۇكپىر-تۇكپىرىنەن 100-گە جۋىق شاحماتشى كلاسسيكالىق شاحمات, راپيد جانە بليتس تۇرلەرىنەن سىنعا ءتۇستى. ونىڭ 11-ءى ۇلىتاۋ وبلىسىنىڭ ويىنشىلارى.
ءدۇبىرلى دودا 22 اقپانعا دەيىن جالعاسادى. چەمپيوناتتىڭ كلاسسيكالىق تۇرىندە توپ جارعان ۇلدار جانە قىزدار اراسىنداعى جەڭىمپازدار 2026 جىلعى قازاقستان رەسپۋبليكاسىنىڭ ەرلەر جانە ايەلدەر اراسىنداعى چەمپيوناتىنىڭ فينالىندا ونەر كورسەتۋگە جولداما الادى. سونىمەن قاتار, چەمپيوندار ەل نامىسىن FIDE World Junior U20 Championships 2026 تۋرنيرىندە قورعايدى. الەم بىرىنشىلىگى قىركۇيەك ايىندا پەرۋ استاناسى Lima قالاسىندا وتەدى. ال ەكىنشى ورىن يەگەرلەرى ازيا چەمپيوناتىنا قاتىسۋ مۇمكىندىگىنە يە بولادى.
بيىلعى بىرىنشىلىكتىڭ جالپى جۇلدە قورى – 2 ميلليون 400 مىڭ تەڭگە. كلاسسيكالىق شاحماتتا ءى ورىنعا – 270 000 تەڭگە, ءىى ورىنعا – 210 000 تەڭگە, ءىىى ورىنعا – 120 000 تەڭگە تابىستالادى. راپيد جانە بليتس سايىستارىندا جۇلدەلى ورىندارعا سايكەسىنشە 150 000, 100 000 جانە 50 000 تەڭگە قاراستىرىلعان.
چەمپيونات توعىز تۋردان تۇراتىن شۆەيتساريالىق جۇيە بويىنشا ۇيىمداستىرىلعان. 16–20 اقپان ارالىعىندا 60+30 ۋاقىت باقىلاۋىمەن كلاسسيكالىق پارتيالار وتەدى ء(ار ويىنشىعا 60 مينۋت جانە ءار جۇرىستەن كەيىن 30 سەكۋند قوسىلادى). 21 اقپاندا – راپيد (10+5), 22 اقپاندا – بليتس (3+2) ويىندارى ويناتىلادى.
ساياسات نۇربەك: ءار بالا مەكتەپ كەزىنەن شاحماتتى جەتىك مەڭگەرۋى ءتيىس
ۇلىتاۋ وبلىسىنىڭ اكىمى بىلتىرعى قازاقستان رەسپۋبليكاسى چەمپيوناتىندا التىن مەدال جەڭىپ العان ۇلىتاۋلىق شاحماتشى ماقسات بايسالبەكوۆكە ەستەلىك رەتىندە قالامساپ تابىس ەتىپ, الداعى جارىستاردا دا بيىك بەلەستەردى باعىندىرۋىنا تىلەكتەستىك ءبىلدىردى.
تۇركىستانداعى كەلەشەك مەكتەبىندە ارنايى شاحمات سىنىبى اشىلدى
