كواليتسيا دەلەگاتسياسىن پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا باسقاردى. جيىنعا پارلامەنت ءماجىلىسىنىڭ دەپۋتاتى سەرگەي پونومارەۆ, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ باسقارما توراعاسى – رەكتورى بولات تىلەپوۆ, «قازاقستاندىق قوعامدىق دامۋ ينستيتۋتى» باسقارما توراعاسى جۇلدىزاي ىسقاقوۆا جانە مەديامەنەدجەرلەر, اكتەرلەر, پروديۋسەرلەر قاتىستى.
كەزدەسۋ جاڭا كونستيتۋتسيا جوباسىن جانە الداعى رەفەرەندۋم تاقىرىبىنا ارنالدى. جالىن تىلەۋبەرگەن كونستيتۋتسيا جوباسى مەملەكەت باسشىنىڭ كوتەرگەن باستامالارى مەن حالىق سۇرانىسى كورىنىس تاپقان يدەولوگيالىق قۇجات ەكەنىن ايتتى. ونىڭ پىكىرىنشە, مادەنيەت پەن كينو سالاسىندا ەڭبەك ەتىپ جۇرگەن جاستار ءۇشىن ءاربىر قۇندىلىق شىعارماشىلىق كەڭىستىككە تىكەلەي قاتىسى بار.
«مادەنيەت – سول يدەولوگيانىڭ تاراتۋشىسى, ال كينو – ونىڭ ەڭ ىقپالدى قۇرالى. جاڭا كونستيتۋتسيا جوباسىن زەردەلەي كەلە, ونىڭ شىن مانىندە يدەولوگيالىق قۇجات ەكەنىنە كوز جەتكىزدىم. سەبەبى وندا ماڭىزدى باستامالار مەن حالىقتىڭ ورتاق سۇرانىسى كورىنىس تاپقان. جاڭا كونستيتۋتسيانىڭ 23-بابىنىڭ ءبىرىنشى جانە ەكىنشى تارماقتارىندا ء«سوز ەركىندىگىنە, عىلىمي, تەحنيكالىق, كوركەم شىعارماشىلىق ەركىندىگىنە كەپiلدiك بەرiلەدi» جانە «زياتكەرلىك مەنشىك زاڭمەن قورعالادى» دەپ ناقتى كورسەتىلگەن. ياعني, ەل دامۋىنىڭ وزەگىنە ادامدى, ونىڭ ءبىلىمى مەن مادەنيەتىن قويادى. بۇل ءبىز سياقتى جاس رەجيسسەرلەر, اكتەرلەر, ستسەناريستەر, سۋرەتشىلەر ءۇشىن ۇلكەن مۇمكىندىك. ويتكەنى ەندى شيكىزات ەمەس, يدەيا باستى رەسۋرس رەتىندە مويىندالادى», دەدى كينوپروديۋسەر.
سونىمەن قاتار ول كونستيتۋتسيانىڭ قۇندىلىقتىق ىرگەتاسىندا ادىلەتتىلىك ۇعىمى جاتقانىن دا ءسوز ەتتى. قاتىسۋ مادەنيەتى مەن تسيفرلىق داۋىردەگى قاۋىپسىزدىك زاماناۋي ونەر ءۇشىن جاڭا تاقىرىپتارعا جول اشاتىنىن جەتكىزدى.
رەسەيدەگى وتانداستارىمىز جاڭا كونستيتۋتسيا بويىنشا رەفەرەندۋمدا داۋىس بەرە الادى
«ادىلەت – كەز كەلگەن دراماتۋرگيانىڭ دا, كەز كەلگەن مىقتى ءفيلمنىڭ دە جۇرەگى. ادىلەت بار جەردە سەنىم بار. سەنىم بار جەردە قوعامدا تۇراقتىلىق پەن ىنتىماق قالىپتاسادى. جاڭا كونستيتۋتسيا ادام قادىر-قاسيەتىن ەڭ جوعارى قۇندىلىق رەتىندە بەكىتەدى. بۇل – مادەنيەت ءۇشىن نەگىزگى فيلوسوفيالىق ۇستانىم. ەگەر ءبىز كونستيتۋتسياداعى قۇندىلىقتاردى شىعارماشىلىق تىلمەن جەتكىزە الساق, وندا قوعامدا جاڭا ساپاداعى ازاماتتىق سانا قالىپتاسادى جانە ەركىن ويلاۋعا, ۇلتتىق بولمىستى ساقتاۋعا جانە ادىلەتتى قوعام قۇرۋعا باعىتتالعان», دەپ تۇيىندەدى جالىن تىلەۋبەرگەن.
ريزا سۇيىندىك: كونستيتۋتسيا – بيلىك ءۇشىن ەمەس, حالىق ءۇشىن جازىلعان نەگىزگى زاڭ
كەزدەسۋ سوڭىندا قاتىسۋشىلار الداعى رەفەرەندۋمداعى تاڭداۋ مەن ءار ازاماتتىڭ جەكە جاۋاپكەرشىلىگى تۋرالى ءسوز قوزعالدى. سونداي-اق كونستيتۋتسيالىق نورمالاردىڭ ءتيىمدى جۇزەگە اسۋى مەملەكەت پەن قوعام اراسىنداعى سەنىمدى ارتتىرۋدىڭ باستى شارتى ەكەنى ايتىلدى.
