ول اتا زاڭنىڭ جاڭارۋىن – تاۋەلسىزدىگىمىزدى نىعايتىپ, ەلىمىزدى دامىتۋعا باعىتتالعان ماڭىزدى قادامعا بالايتىنىن جەتكىزدى.
«جاڭا كونستيتۋتسيا جوباسىنىڭ بۇكىلحالىقتىق تالقىلاۋعا ءتۇسۋى ەلدەگى ساياسي مادەنيەتتىڭ ءوسىپ, اشىقتىق پەن زاڭ ۇستەمدىگىنىڭ ورنىققانىن كورسەتەدى. اتا زاڭنىڭ جاڭارۋى – تاۋەلسىزدىكتى نىعايتىپ, مەملەكەت دامۋىنىڭ جاڭا كەزەڭىنە قادام باسقانىمىزدىڭ ايعاعى. جاڭا اتا زاڭىمىز قولدانىستاعى باپتاردىڭ باسىم بولىگىنە تۇزەتۋ ەنگىزۋ قاجەتتىلىگى جاڭا رەداكتسيا قابىلداۋدى زاڭدى ەتتى. سونىڭ ناتيجەسىندە كونستيتۋتسيانىڭ مازمۇنى جاڭارىپ, ەل بولاشاعىنا بەرىك قۇقىقتىق نەگىز قالانىپ جاتىر. قازىرگى كۇردەلى كەزەڭدە ىشكى تۇراقتىلىقتى ساقتاپ, جۇيەلى رەفورمالاردى جۇزەگە اسىرۋ – مەملەكەتتىڭ باستى جەتىستىگى», دەدى فاريدا جولداسوۆا.
بۇعان دەيىن سپورت جانە مادەنيەت وكىلدەرى عۇسمان قىرعىزباەۆ, ابيبا ابۋجاقىنوۆا, ەركەبۇلان دايىروۆ, بەيبىت سارىباي ەلىمىزدە بولىپ جاتقان ساياسي وزگەرىستەرگە قاتىستى پىكىرىن بىلدىرگەن ەدى.
