فوتو: كولىك مينيسترلىگى
جۇمىس كەڭەسىندە ناقتى مىندەتتەر ايقىندالدى
كولىك مينيسترلىگى وڭىردەگى تەمىرجول ۆوكزالدارىن رەكونسترۋكتسيالاۋ بارىسىنا ارنالعان جۇمىس كەڭەسىن وتكىزدى. جيىنعا وبلىس اكىمدىگى, «قازاقستان تەمىر جولى» ۇلتتىق كومپانياسى, مەردىگەر ۇيىمدار مەن جوبالاۋ-ينجينيرينگتىك كومپانيالار وكىلدەرى قاتىستى.
كەڭەستە جالاعاش, جوسالى, تەرەڭوزەك, تورەتام, جاڭاقورعان, شيەلى, ارال تەڭىزى, سەكسەۋىل, قازالى ستانتسيالارىنداعى ۆوكزالداردى جانە تالاپ پلاتفورماسىن جاڭعىرتۋ جوبالارى قارالدى. اسىرەسە, اياقتالۋعا جاقىن نىساندارداعى جۇمىس قارقىنى مەن ساپاسىنا باسا نازار اۋدارىلدى.
قىزىلوردا وبلىسىندا 300 ورىندىق كوپبەيىندى اۋرۋحانا سالىنىپ جاتىر
وتىرىستا قۇرىلىس جۇمىستارىنىڭ وندىرىستىك كەستەگە سايكەستىگى, قۇرىلىس-مونتاج ءىس-شارالارىنىڭ ساپاسى جان-جاقتى تالقىلاندى. سونىمەن قاتار رەكونسترۋكتسيا كەزەڭىندە جولاۋشىلارعا قولايلى جاعداي جاساۋ ءۇشىن ۋاقىتشا ينفراقۇرىلىمدى ءتيىمدى ۇيىمداستىرۋ ماسەلەسى كوتەرىلدى. بۇل – قۇرىلىس ءجۇرىپ جاتقان كەزەڭدە دە حالىققا قىزمەت ساپاسىن تومەندەتپەۋدىڭ ماڭىزدى شارتى.
ءوڭىردى جاڭعىرتۋ باعدارلاماسىنا ەنگىزىلگەن بارلىق ۆوكزال كەشەندەرى بيىل تولىق پايدالانۋعا بەرىلمەك. كەڭەس قورىتىندىسىندا جوبالاردى ۋاقىتىلى ءارى ساپالى اياقتاۋ ءۇشىن «قازاقستان تەمىر جولى» ۇلتتىق كومپانياسىنا, مەردىگەر جانە جوبالاۋ ۇيىمدارىنا ناقتى تاپسىرمالار جۇكتەلدى.
تەمىرجول ۆوكزالدارىن قايتا جاڭعىرتۋ – تەك عيماراتتاردى جوندەۋ ەمەس, بۇل – تۇتاس ينفراقۇرىلىمدى زامان تالابىنا ساي بەيىمدەۋ. جاڭارتىلعان نىساندار قىزىلوردا وبلىسىنىڭ تۇرعىندارى مەن قوناقتارى ءۇشىن تەمىرجول قاتىناسىنىڭ جايلىلىعىن, قاۋىپسىزدىگىن جانە قولجەتىمدىلىگىن ارتتىرۋعا باعىتتالعان.
