ونىڭ ايتۋىنشا, ۇسىنىلىپ وتىرعان وزگەرىستەر قازاقستاننىڭ الداعى دامۋ باعىتىن ايقىنداپ, مەملەكەتتىك باسقارۋ جۇيەسىن جەتىلدىرۋگە سەرپىن بەرەدى.
«2022 جىلى باستالعان ادىلەتتى قازاقستاندى قۇرۋ باستاماسى كەزدەيسوق شەشىم ەمەس, ەلدىڭ بولاشاعىن نىعايتۋعا باعىتتالعان جۇيەلى ساياسات. قازىرگى رەفورمالار – سول ستراتەگيالىق باعىتتىڭ جالعاسى», دەدى ول.
ەرماحان يبرايموۆتىڭ پىكىرىنشە, باستى ماقسات – حالىق مۇددەسىن بىلدىرەتىن ينستيتۋتتاردىڭ ءرولىن كۇشەيتۋ جانە مەملەكەت پەن قوعام اراسىنداعى سەنىمدى ارتتىرۋ. سپورت سالاسىنىڭ وكىلى رەتىندە ول ۇلكەن جەتىستىككە جەتۋ ءۇشىن ءتارتىپ, جاۋاپكەرشىلىك پەن بىرلىك قاجەت ەكەنىن ايتتى. مەملەكەت تە ورتاق قۇندىلىقتار مەن بەرىك قاعيداتتارعا سۇيەنگەندە عانا قۋاتتى بولا الاتىنىن جەتكىزدى.
«شىنايى پاتريوتيزم ناقتى ىسپەن دالەلدەنۋى ءتيىس. سپورت قاۋىمى ءۇشىن بۇل – بۇقارالىق سپورتتى دامىتۋ, جاس دارىنداردى قولداۋ جانە سالاۋاتتى ءومىر سالتىن ناسيحاتتاۋ ارقىلى كورىنەدى», دەدى سپورتشى.
قوعامدىق تالقىلاۋدىڭ ماڭىزىن ەرەكشە اتاپ ءار ازاماتتىڭ پىكىرى ەسكەرىلىپ, اشىق ديالوگ ورناعان جاعدايدا عانا رەفورمالار ناتيجەلى بولاتىنىنا سەنىم ءبىلدىردى.
حالىقارالىق قاۋىمداستىق كونستيتۋتسيالىق رەفورمانىڭ اشىقتىعىن باعالادى
ەرماحان يبرايموۆ كونستيتۋتسيالىق باستامالار ەلدىڭ تۇراقتىلىعىن نىعايتىپ, تاۋەلسىزدىكتى بەكەمدەي تۇسەتىنىنە جانە بولاشاق ۇرپاققا جارقىن كەلەشەك سىيلايتىنىنا سەنىمدى ەكەنىن جەتكىزدى.
