مەملەكەتتىك الەۋمەتتىك ساقتاندىرۋ قورى اتىراۋ وبلىستىق فيليالىنىڭ باس مامانى ناريمان ساليموۆتىڭ ايتۋىنشا, اتالعان تولەم بارلىق ادامعا بەرىلمەيدى. رەسمي تۇردە ەڭبەك ەتكەن, جۇمىس بەرۋشى تاراپىنان اتالعان قورعا تۇراقتى الەۋمەتتىك اۋدارىمدار جۇرگىزىلگەن قىزمەتكەرلەرگە قاراستىرىلعان.
جۇمىسسىزدىق ازايىپ, ەڭبەك نارىعى كەڭەيىپ كەلەدى
«جۇمىسسىز قالعان ادام الدىمەن مانساپ ورتالىعىنا جۇمىسسىز رەتىندە تىركەلۋى كەرەك. جۇمىسسىز مارتەبەسى بەرىلگەننەن كەيىن الەۋمەتتىك تولەم تاعايىنداۋ تۋرالى ءوتىنىش ساقتاندىرۋ قورىنا پرواكتيۆتى تۇردە جولدانادى. الەۋمەتتىك تولەم ءبىر ايدان التى ايعا دەيىنگى مەرزىمگە تاعايىندالادى. ونىڭ مولشەرى الەۋمەتتىك اۋدارىمدار ەسەپتەلگەن تابىستىڭ 45 پايىزى كولەمىندە بەلگىلەنەدى», دەيدى ناريمان ساليموۆ.
