اتالعان ءۇي اپاتتى دەپ تانىلعان. ابىروي بولعاندا ۇيدەگى تۇرعىنداردى ءبىر جىل بۇرىن كوشىرىپ جىبەرگەن. زارداپ شەككەندەر جوق.
«حابارلايمىز, 2025 جىلى كورسەتىلگەن پودەزد قازاقستان رەسپۋبليكاسىنىڭ زاڭناماسىنا سايكەس جۇرگىزىلگەن تەحنيكالىق قورىتىندى مەن قۇرىلىس ساراپتاماسىنىڭ نەگىزىندە اپاتتى دەپ تانىلعان. 5-پودەزد تۇرعىندارى الدىن الا قونىس اۋدارىلىپ, پاتەرلەرى تۇرۋعا جارامسىز دەپ تانىلعاندىقتان, زاڭدا بەلگىلەنگەن تارتىپپەن تۇرعىن ۇيگە مۇقتاج ازاماتتار رەتىندە ەسەپكە قويىلعان. قازىرگى تاڭدا تۇرعىنداردىڭ ءبىر بولىگى باسپانامەن قامتاماسىز ەتىلدى. قۇلاۋ ساتىندە قازا بولعاندار مەن زارداپ شەككەندەر تىركەلگەن جوق. عيمارات قورشاۋعا الىنىپ, كىرۋگە شەكتەۋ قويىلدى, ينجەنەرلىك كوممۋنيكاتسيالار (ەلەكتر, جىلۋ, سۋ جۇيەلەرى) بەلگىلەنگەن تارتىپپەن اجىراتىلدى», دەيدى اكىمدىك.
قازىرگى ۋاقىتتا قۇرىلىس جانە ونەركاسىپتىك قاۋىپسىزدىك تالاپتارىن ساقتاي وتىرىپ, 5-كىرەبەرىستى دەمونتاجداۋ جۇمىستارى جۇرگىزىلىپ جاتىر.
ەكىباستۇزدا ساۋدا ءۇيىنىڭ توبەسى وپىرىلىپ ءتۇستى
«دەمونتاج جۇمىسى كەزەڭىندە بۇكىل ءۇيدىڭ (شامامەن 120 وتباسى) تۇرعىندارىن تولىق ەۆاكۋاتسيالاۋ ۇيىمداستىرىلدى. قالعان كىرەبەرىستەردىڭ تۇرعىندارىنا قازاقستان رەسپۋبليكاسىنىڭ تۇرعىن ءۇي زاڭناماسىنا سايكەس ۋاقىتشا تۇرعىن ءۇي بەرۋ ماسەلەسى قاراستىرىلىپ جاتىر.
دەمونتاج جۇمىستارى اياقتالعاننان كەيىن قالعان 4 كىرەبەرىستە قوسىمشا تەحنيكالىق تەكسەرۋ جانە قۇرىلىس ساراپتاماسى جۇرگىزىلەدى. ولار تۇرۋعا جارامدى جانە قاۋىپسىزدىك تالاپتارىنا سايكەس دەپ تانىلعان جاعدايدا, تۇرعىندار ءوز پاتەرلەرىنە قايتا ورالا الادى. الداعى ۋاقىتتا قالعان كىرەبەرىستەردىڭ كونسترۋكتسيالارىن كۇشەيتۋ بويىنشا جۇمىستاردى جۇرگىزۋگە ارنالعان جوبالىق-سمەتالىق قۇجاتتاما بەلگىلەنگەن تارتىپپەن ازىرلەنەدى», دەپ حابارلادى بالقاش قالاسىنىڭ اكىمدىگى.
قوستانايدا 2,2 ملرد تەڭگەگە سالىنعان جاڭا مەكتەپتىڭ شاتىرى وپىرىلىپ ءتۇستى
