فوتو: عىلىم جانە جوعارى ءبىلىم مينيسترلىگىنىڭ ءباسپاسوز قىزمەتى
قازاقستاننىڭ كورسەتكىشى كورشى ەلدەردەن ەداۋىر جوعارى. ماسەلەن, وزبەكستان – 83-ورىندا بولسا, قىرعىزستان – 130-ورىندا تۇر ەكەن, ال تاجىكستان – 147-ورىندا, تۇركىمەنستان – 191-ورىندا تۇر.
بۇل ايىرماشىلىق عىلىمدى قارجىلاندىرۋ دەڭگەيى, زەرتتەۋ ينفراقۇرىلىمىنىڭ دامۋى, كادرلىق الەۋەت, حالىقارالىق ىنتىماقتاستىق جانە جاريالانىم ساپاسى سەكىلدى نەگىزگى كورسەتكىشتەردەگى باسىمدىقتى اڭعارتادى.
جۇيەلى ساياسات جەمىسى
قول جەتكىزىلگەن ناتيجە – عىلىم جانە جوعارى ءبىلىم سالاسىنداعى دايەكتى مەملەكەتتىك ساياساتتىڭ جەمىسى. «عىلىم جانە تەحنولوگيالىق ساياسات تۋرالى» زاڭ اياسىندا وڭىرلىك يننوۆاتسيالىق جۇيەلەردى دامىتۋعا, زەرتتەۋ ۋنيۆەرسيتەتتەرى مەن ارتىقشىلىق ورتالىقتارىن قالىپتاستىرۋعا, عىلىمي جوبالاردى بيزنەس قاتىسۋىمەن بىرلەسىپ قارجىلاندىرۋ تەتىكتەرىن ەنگىزۋگە باسىمدىق بەرىلىپ وتىر.
سونىمەن بىرگە جاس عالىمداردى قولداۋ شارالارى كەڭەيىپ كەلەدى. وتاندىق عىلىمي ۇيىمداردىڭ Horizon Europe باعدارلاماسىنا قاتىسۋى دا قازاقستان عىلىمىنىڭ جاھاندىق زەرتتەۋ كەڭىستىگىنە ىقپالداسۋىنا جول اشىپ وتىر.
Farabi university: عىلىم, ينۆەستيتسيا جانە دامۋدىڭ جاڭا كەزەڭى
بەدەلدى باعالاۋ تەتىگى
SCImago رەيتينگى – الەم ەلدەرىنىڭ عىلىمي جانە زەرتتەۋشىلىك الەۋەتىن سارالايتىن بەدەلدى قۇرالداردىڭ ءبىرى. ول Elsevier كومپانياسىنا تيەسىلى Scopus حالىقارالىق بيبليومەتريالىق دەرەكقورى نەگىزىندە جاسالادى.
ءادىسنامادا رەتسەنزيالاناتىن جۋرنالدارداعى جاريالانىم سانى, دايەكسوز الۋ دەڭگەيى, حالىقارالىق عىلىمي ىنتىماقتاستىق, زەرتتەۋلەر ساپاسى جانە عىلىمنىڭ يننوۆاتسيالىق دامۋعا قوسقان ۇلەسى ەسەپكە الىنادى. دەمەك, بۇل كورسەتكىشتەر تەك ساندىق ەمەس, ساپالىق ولشەمدەردى دە قامتيدى.
عىلىمي ءيميدجدى نىعايتقان قادام
قازاقستاننىڭ رەيتينگتەگى پوزيتسياسىنىڭ جاقسارۋى جۇرگىزىلىپ جاتقان رەفورمالاردىڭ ناتيجەلىلىگىن كورسەتەدى. بۇل تابىس ەلىمىزدىڭ ورتالىق ازياداعى عىلىمي جانە زياتكەرلىك كوشباسشى رەتىندەگى بەدەلىن كۇشەيتىپ وتىر.
ءبىلىم مەن تەحنولوگيا ءۇشىن جاھاندىق باسەكە كۇشەيگەن كەزەڭدە مۇنداي ناتيجە – ۇلتتىق عىلىمي جۇيەنى ودان ءارى دامىتۋعا, ونىڭ ەل ەكونوميكاسى مەن قوعام يگىلىگىنە قوساتىن ۇلەسىن ارتتىرۋعا باعىتتالعان ستراتەگيالىق باسىمدىقتىڭ ايقىن كورىنىسى.
عىلىمي قاۋىمداستىق «حالىقتىق كونستيتۋتسيا ءۇشىن» كواليتسياسىن قولدادى
