جيىنعا ۆيتسە-مينيسترلەر, كوميتەت توراعالارى, سالالىق باعىنىستى ۇيىمداردىڭ جەتەكشىلەرى مەن وكىلدەرى قاتىستى. وتىرىس بارىسىندا مينيسترلىكتىڭ 2025 جىلعى قىزمەتىنىڭ قورىتىندىلارى سارالانىپ, الداعى كەزەڭگە ارنالعان ستراتەگيالىق باسىمدىقتار ايقىندالدى.
القا وتىرىسىن اشقان ايدا بالاەۆا نەگىزگى زاڭعا ەنگىزىلگەن اۋقىمدى وزگەرىستەرگە ەرەكشە توقتالدى. ول ۇلتتىق مادەنيەتتى قولداۋ مەن تاريحي-مادەني مۇرانى ساقتاۋ ماسەلەلەرى العاش رەت كونستيتۋتسيالىق دەڭگەيدە مەملەكەتتىڭ ىرگەلى دامۋ قاعيداتتارىنىڭ قاتارىنا ەنگىزىلگەنىن اتاپ ءوتتى.
كەزدەسۋ بارىسىندا مينيسترلىك قىزمەتىنىڭ بارلىق باعىتى بويىنشا جاڭا تاسىلدەر مەن زاماناۋي دامۋ ۇردىستەرى جان-جاقتى قارالدى. سالالاردى ۋاقىت تالابى مەن وزەكتى سىن-قاتەرلەرگە ساي جۇيەلى جاڭعىرتۋ قاجەتتىگىنە ەرەكشە نازار اۋدارىلدى.
سونىمەن قاتار دامىعان مەملەكەتتەردىڭ وزىق تاجىريبەسىنە نەگىزدەلگەن جاڭا كونستيتۋتسيا جوباسى ءسوز بوستاندىعىنا كەپىلدىك بەرەتىنىن, ازاماتتاردىڭ تسيفرلىق كەڭىستىكتەگى قۇقىعىن قورعاۋ جونىندەگى نورما العاش رەت ەنگىزىلگەنى اتاپ ءوتىلدى. وسىعان بايلانىستى ايدا بالاەۆا مينيسترلىك پەن سالالىق باعىنىستى ۇيىمداردىڭ قىزمەتىنە تسيفرلىق شەشىمدەردى كەڭىنەن ەنگىزۋ جانە جاساندى ينتەللەكت تەحنولوگيالارىن ءتيىمدى پايدالانۋ ماسەلەسىنە ايرىقشا توقتالدى. پرەمەر-ءمينيستردىڭ ورىنباسارى سالانىڭ بىرىڭعاي ءارى كەشەندى تسيفرلىق دامۋ ستراتەگياسىن ازىرلەۋدى تاپسىردى.
القا وتىرىسىنا قاتىسۋشىلار مادەنيەت سالاسىن دامىتۋ, كرەاتيۆتى يندۋستريانى جۇيەلى قولداۋ, اقپاراتتىق ساياساتتى جەتىلدىرۋ, ازاماتتىق قوعام ينستيتۋتتارىنىڭ الەۋەتىن ارتتىرۋ, سونداي-اق مەملەكەتتىك جاستار جانە وتباسى ساياساتىن ءتيىمدى ىسكە اسىرۋ ماسەلەلەرىن تالقىلادى.
جيىندى قورىتىندىلاعان ايدا بالاەۆا ارىپتەستەرىنە اتقارىلعان ناتيجەلى جۇمىس ءۇشىن ريزاشىلىعىن ءبىلدىرىپ, ءار باعىتتا ناقتى باستامالار كوتەرىپ, جاۋاپكەرشىلىكپەن ارەكەت ەتۋگە شاقىردى. ۇكىمەت باسشىسىنىڭ ورىنباسارى ۆەدومستۆوارالىق ءوزارا ءىس-قيمىلدى كۇشەيتۋدى جانە قويىلعان مىندەتتەردىڭ ساپالى ءارى مەرزىمىندە ورىندالۋىن قامتاماسىز ەتۋدى تاپسىردى.
