ءمينيستردىڭ ايتۋىنشا, سالاداعى كاسىپورىندار كەزەڭ-كەزەڭىمەن جاڭعىرتىلىپ جاتىر. قازىرگى تاڭدا اقتوبە قالاسىندا جىلىنا 2 مىڭ توننادان استام ءجۇن وڭدەيتىن جوبا ىسكە قوسىلدى. ال اقمولا وبلىسىندا قۋاتى شامامەن 2,5 مىڭ توننانى قۇرايتىن مال ازىعىنا ارنالعان قوسپالار وندىرەتىن كاسىپورىن جۇمىسىن باستادى.
سونىمەن قاتار ءجۇن مەن تەرىنى وڭدەۋگە باعىتتالعان تاعى سەگىز ينۆەستيتسيالىق جوبا جۇزەگە اسىرىلىپ جاتىر. ولاردىڭ جالپى قۇنى 10 ملرد تەڭگەگە جۋىق. بۇل جوبالار ىسكە قوسىلعان جاعدايدا وڭدەۋ قۋاتى قوسىمشا ءبىر ميلليون توننادان اسادى دەپ كۇتىلىپ وتىر.
مامانداردىڭ ايتۋىنشا, بۇل باستامالار اۋىل شارۋاشىلىعى ونىمدەرىن تەرەڭ وڭدەۋدى دامىتۋعا, قوسىمشا جۇمىس ورىندارىن اشۋعا جانە مال شارۋاشىلىعى ونىمدەرىنىڭ قوسىلعان قۇنىن ارتتىرۋعا مۇمكىندىك بەرەدى.
