فوتو: اشىق دەرەككوز
سەمەي گارنيزونىنىڭ اسكەري سوتىنىڭ ۇكىمىندە الاياقتىق جاساۋدىڭ ءتورت ەپيزودى كورسەتىلگەن. قىزمەتتىك ءىس-ارەكەتتى ۇيىمداستىرۋ ءبولىمىنىڭ وفيتسەرى العاش رەت 2023 جىلدىڭ كۇزىندە شاقىرىلۋشىدان 1 ميلليون تەڭگە العان. ال 2024 جىلدىڭ ماۋسىم ايىندا 1 ميلليون تەڭگە, كەيىن سول جىلدىڭ قازان ايىندا 1,4 ميلليون تەڭگە العان. اقشا الۋدىڭ سوڭعى دەرەگى 2025 جىلدىڭ شىلدەسىندە تىركەلگەن. سوڭعى رەت «كومەك» اسكەري جيىنعا شاقىرىلعان زاپاستاعى پاۆلودارلىققا قاجەت بولعان.
ناتيجەسىندە اقشا بەرگەن شاقىرىلۋشىلاردىڭ بارلىعى اسكەري قىزمەتكە الىنباعان. بىراق ولاردىڭ بارماي قالۋىنا دەپارتامەنت وفيتسەرىنىڭ ەشقانداي ىقپالى بولماعان. ياعني شاقىرىلۋشىلار جاي عانا مەديتسينالىق كوميسسيادان وتپەي قالعان. ولار وزدەرىنىڭ الدانعانىن ءتۇسىنىپ, ۇلتتىق قاۋىپسىزدىك كوميتەتى دەپارتامەنتىنە جۇگىنگەن.
«سوتتالۋشى ۇكىمنىڭ سيپاتتامالىق بولىگىندە كورسەتىلگەن جابىرلەنۋشىلەردىڭ مۇلكىن جىمقىرۋ ۋاقىتىن, ورنى مەن ءتاسىلىن تولىق راستادى. ول بارلىق اقشالاي قاراجاتتى جىمقىرعانىن ءتۇسىندىردى. تاعىلعان ايىپتى, اقشا سوماسىن داۋلامايدى جانە جاساعان ىسىنە تولىق وكىنەدى. قازىرگى ۋاقىتتا جابىرلەنۋشىلەرگە كەلتىرىلگەن ماتەريالدىق شىعىندى تولىق وتەپ, ولاردان كەشىرىم سۇرادى. سونداي-اق سوتتان باس بوستاندىعىنان ايىرۋمەن بايلانىستى ەمەس جازا تاعايىنداۋدى سۇرادى», دەلىنگەن سەمەي گارنيزونى اسكەري سوتىنىڭ ۇكىمىندە.
گۆاردەيسك گارنيزونىنداعى اسكەري بولىمدە سارباز سوققىعا جىعىلدى: قىلمىستىق ءىس قوزعالدى
سوت تاراپتاردى تىڭداپ, دالەلدەمەلەردى زەرتتەي كەلە, وفيتسەردىڭ كىناسى دالەلدەندى دەگەن قورىتىندىعا كەلدى. ناتيجەسىندە پاۆلودار وبلىسىنىڭ قورعانىس ىستەرى جونىندەگى دەپارتامەنتىنىڭ 31 جاستاعى بۇرىنعى قىزمەتكەرىنە الىنعان سومانىڭ 8 ەسەلەنگەن مولشەرىندە ايىپپۇل تاعايىندالدى. ونىڭ سوماسى 29 ميلليون تەڭگەدەن اسادى. بۇل سومانى كىنالى تۇلعا جارتى جىل ىشىندە تولەۋى ءتيىس.
قورعانىس مينيسترلىگى: اسكەري باسقارۋ ورگاندارىنا جوسپارلى تەكسەرۋ جۇرگىزىلەدى
پاۆلودار وبلىسى
