قاراتال اۋىلى اۋدانداعى ءتورتىنشى جانە وبلىستاعى الكوگولدەن تولىقتاي باس تارتقان 35-ءشى ەلدى مەكەن اتاندى. وسى شەشىمگە وراي اۋىل اقساقالدارى سكانديناۆيالىق تاياقتارمەن جۇرگەن چەللەندج ۇيىمداستىرىپ, وعان جەرگىلىكتى اتقارۋشى ورگاندار, پوليتسيا جانە پروكۋراتۋرا قىزمەتكەرلەرى قولداۋ كورسەتتى. تۇرعىندار تۋعان اۋىلدارىنىڭ كوشەلەرىمەن ءجۇرىپ ءوتىپ, سالاماتتى ءومىر سالتىن ۇستاناتىنىن كورسەتتى جانە چەللەندجدى مامليۋت اۋدانىنا جولدادى.
بۇل اۋىل ەجەلدەن شاعىن ەدى, قازىر ەلۋ ادامنان استام تۇرعىنى بار 19 عانا اۋلا قالىپتى. سوڭعى قىلمىستىق ءىس مۇندا 2023 جىلى عانا تىركەلگەن. وندا دا اۋىل تۇرعىندارى ەمەس, سىرتتان كەلگەن ۇرىلار قويلارىن ۇرلاعان. سوڭعى بەس جىلدا قاراتالدا الكوگولگە بايلانىستى بىردە-ءبىر قۇقىقبۇزۋشىلىق تىركەلمەگەن. اۋىل ۇلكەن جولدىڭ بويىندا, ەسىلدىڭ جاعاسىندا ورنالاسقان جايلى مەكەن.
