گەرمانيادا بويجەتكەن كولدەن التىن قۇيما تاۋىپ الدى

استانا. 13 تامىز. گەرمانيادا كيونيگسزەە كولىنە شومىلماق بولعان 16 جاستاعى بويجەتكەن سۋ تۇبىنەن التىن قۇيما تاۋىپ الدى. بۇل تۋرالى وسى ەلدىڭ sueddeutsche.de گازەتى حابارلادى. سۋعا شومىلىپ جۇرگەن بويجەتكەن 2 مەتر تەرەڭدىكتە جىلتىراپ جاتقان الدەنەنى كوزىپ شالىپ قالادى. كەيىننەن بۇل زاتتىڭ 999,9 سىنامالى التىن ەكەنى انىقتالدى. قۇيمانىڭ ۇزىندىعى – 6,5 سم, سالماعى – 500 گ, ال قۇنى – 16 مىڭ ەۋرونى قۇرايدى. تاۋىپ العان ولجاسى تۋرالى قىز پوليتسياعا ءوزى حابارلاعان. جەرگىلىكتى تۇرعىندار دۇرلىگىپ كەتپەس ءۇشىن پوليتسيا قىزمەتكەرلەرى بۇل اقپاراتتى بىرنەشە كۇن بويى قۇپيا ۇستايدى. الايدا, كولدى ءسۇزىپ شىققان سۇڭگۋىرلەر ەشتەڭە تاپپاعان. بۇگىنگى تاڭدا ماماندار التىننىڭ قايدان شىققانىن انىقتاۋدا. تەرگەۋدى التىن قۇيماداعى ءنومىردىڭ ءوشىپ قالعانى كەيىنگە شەگەرىپ وتىر. قازىردىڭ وزىندە قۇيمانىڭ Degussa نەمىس فيرماسىنا تيەسىلى ەكەنى بەلگىلى بولعان. مۇنى فيرمانىڭ ساراپشىلارى دا راستاپ وتىر. ولار سونداي-اق, التىن كەسەكتىڭ 1990 جىلدان 2005 جىل ارالىعىندا دايىندالعانىن دا مالىمدەدى. ەگەر التىننىڭ قوجايىنى جارتى جىل ىشىندە تابىلماسا, گەرمانيا زاڭدارىنا سايكەس, ولجانى تاۋىپ العان بويجەتكەن وزىنە قالدىرا الادى. ەلامان قوڭىر. دەرەك: sueddeutsche.de. سۋرەت: Polizei, DPA.