فوتو: سالي سابيروۆ, قازاقستان ۇوك ءباسپاسوز قىزمەتى
بۇل قاشىقتىقتا قازاقستان قۇراماسىنىڭ اتىنان يانا حان مەن ولگا تيحونوۆا جارىس جولىنا شىقتى.
ولگا تيحونوۆا ىرىكتەۋ كەزەڭىنىڭ العاشقى جارىسىندا ءتورتىنشى بولىپ مارەگە جەتتى. ناتيجەسىندە ول شيرەك فينالعا وتە المادى. ايتا كەتەيىك, بۇل كەزەڭگە ءار جارىستان ەكى ۇزدىك سپورتشى, سونداي-اق ءۇشىنشى ورىن العانداردىڭ ىشىنەن ەڭ جاقسى ۋاقىت كورسەتكىشىن تىركەگەن ءتورت شورت-ترەكشى جولداما الدى.
ال يانا حان جارىس بارىسىندا قۇلاپ, ءتورتىنشى ورىنمەن شەكتەلىپ, وسى قاشىقتىقتاعى ونەرىن اياقتادى.
ايتا كەتەيىك, بۇگىنگى جارىس كۇنىندە شاڭعىشىلار سپرينت سىنىندا ونەر كورسەتىپ, ىرىكتەۋدەن وتە المادى.
قازاقستان تەلەارنالارى قىسقى وليمپيادا ويىندارىن تىكەلەي ەفيردە كورسەتەدى
