قۇرىلىسى قارقىندى قىزىلوردا

سوڭعى جىلدارى قىزىلوردا وبلىسى ۇلكەن قۇرىلىس الاڭىنا اينالعانداي. ايماقتىڭ قاي بۇ­رى­شىنا بارساڭىز دا, جاڭا نىسان­داردىڭ سالىنىپ جاتقانىن كورەسىز. وسىنىڭ وزىنەن-اق ەلدىڭ ەكونو­ميكالىق جاعدايىنىڭ ارتقا­نىن, الەۋمەتتىڭ الەۋەتى وسكەنىن بايقاۋعا بولاتىنداي. مىسالى, ءبىر عانا بيىلدىڭ وزىندە قىزىلوردا وبلىسىندا 83 نىسان پايدالانۋعا بەرىلمەك. بۇل وتكەن جىلمەن سالىس­تىرعاندا 3,5 ەسەگە ارتىق. بۇل تۋراسىندا ايماق باسشىسى قىرىمبەك كوشەرباەۆ بىلاي دەيدى. «وبلىستىڭ جاڭا كەل­بەتىن قالىپتاستىراتىن ءوندىرىس ورىندارىن سالۋدا قارقىن بار. اتاپ ايتار بولساق, شىنى زاۋى­تىنىڭ قۇرىلىسى باستالىپ, ءتيىستى 33 ميلليارد تەڭگە قارجى ءبولىنىپ, جوبانىڭ بارلىق ماسەلەسى تولىعىمەن شەشىلدى. سونداي-اق, قىزىلوردانىڭ سول جاعالاۋىن يگەرۋ بارىسىندا ازيا دامۋ بان­كىمەن 174 ميلليارد تەڭگە قارجى ءبولۋ تۋرالى كەلىسىمدەر جاسالۋدا». قىزىلوردا وبلىسى قۇرىلىس سالۋ قارقىنى بويىنشا رەسپۋب­ليكادا الدىڭعى قاتارعا شىقتى. بۇگىندە ءبىلىم بەرۋ سالاسى بويىنشا 24 نىساننىڭ قۇرىلىسى جۇرگىزىلۋدە. جىل سوڭىنا دەيىن ونىڭ 20-سى ەل يگىلىگىنە بەرىلەدى. سونىمەن قاتار, وسى جىلى جەتىم بالالارعا قامقورلىق جاساۋ ماقساتىندا «بالالار اۋىلى» پايدالانۋعا بەرىلدى. دەنساۋلىق ساقتاۋ سالاسى بويىنشا 6 نىساننىڭ قۇرىلىسى جۇرگىزىلۋدە. ونىڭ 3-ءۋى جىل سوڭىندا اشىلادى. مادەنيەت سالاسى بويىنشا بيىل 7 اۋىلدىق كلۋب, كىتاپحانا جانە مۇراجايدىڭ قۇرىلىسى جۇرگىزىلۋدە. سپورت سالاسىنا كەلسەك, جىل سوڭىنا دەيىن يپپودرومنىڭ جانە بوكس ورتا­لىعىنىڭ قۇرىلىسى اياقتالادى. سونىمەن قاتار, قالادا­عى ع.مۇ­راتباەۆ اتىنداعى ستاديون­نىڭ قوسالقى الاڭى قايتا جاڭعىر­تىلادى. بۇعان قوسا, بيىل يليا يلين اتىنداعى اۋىر اتلەتيكا حالىقارالىق ورتالىعى مەن 3 000 ورىندىق جابىق فۋتبول مانەجىنىڭ قۇرىلىسى باستالادى. ايتا كەتۋ كەرەك, تۇرعىن ءۇي قۇرى­لىسى وتكەن جىلمەن سالىس­تىر­عاندا 4 ەسەگە ارتىپ وتىر. جاقىن­دا 300 وتباسى قونىس تويىن توي­لاپ, 6 تۇرعىن ءۇي پايدالانۋعا بەرىل­سە, جىل سوڭىنا دەيىن تاعى 2090 پاتەرلىك 41 تۇرعىن ءۇيدى پاي­دالانۋعا بەرۋ جوسپارلانىپ وتىر. ەرجان بايتىلەس, «ەگەمەن قازاقستان». قىزىلوردا وبلىسى.