ايتىس باتىس قازاقستان وبلىسى اكىمدىگى, وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسىنىڭ قولداۋىمەن, ع.قۇرمانعاليەۆ اتىنداعى اكادەميالىق فيلارمونيا مەن قادىر مىرزاليەۆ اتىنداعى وبلىستىق مادەنيەت جانە ونەر ورتالىعىنىڭ ۇيىمداستىرۋىمەن ءوتتى.
ءسوز سايىسىنا كورشىلەس قىرعىز رەسپۋبليكاسىنان, سونىمەن قاتار, ەلىمىزدىڭ بىرقاتار وبلىسىنان جانە باتىسقازاقستاندىق جەرگىلىكتى اقىندار قاتىستى.
ايتىستىڭ قازىلار القاسىنا «وتان», «پاراسات» وردەندەرىنىڭ يەگەرى, قازاقستاننىڭ ەڭبەك سىڭىرگەن قايراتكەرى, م.ماقاتاەۆ اتىنداعى سىيلىقتىڭ لاۋرەاتى, حالىقارالىق «ايتىس اقىندارى مەن جىرشى-تەرمەشىلەر وداعىنىڭ» باسقارما توراعاسى, قوعام قايراتكەرى, اقىن ءجۇرسىن ەرمان توراعالىق ەتتى.
ال ايتىستى قازاقستاننىڭ ەڭبەك سىڭىرگەن قايراتكەرى, پارلامەنت ءماجىلىسىنىڭ دەپۋتاتى امانجول ءالتاي جۇرگىزىپ وتىردى.
سونىمەن, قازىلار القاسىنىڭ شەشىمىمەن پاۆلودار وبلىسىنىڭ اتىنان كەلگەن اقىن اسپانبەك شۇعاتاي مەن بوكەيوردالىق جانسايا مۋسينا ايتىستىڭ باس جۇلدەسىن ءبولىسىپ الدى.
ءى ورىن قىزىلوردا وبلىسىنىڭ نامىسىن قورعاعان مەيىربەك سۇلتانحانعا بۇيىردى. ءىى ورىنعا شىمكەنتتىك نۇرلان ەسەنقۇلوۆ لايىق دەپ تانىلدى.
ال قىرعىز رەسپۋبليكاسىنان كەلگەن ارگەن بيمىرزا ۋلۋ, جىمپيتىلىق باۋىرجان شيرمەدين ۇلى, اقتوبە وبلىسىنان كەلگەن ارۋنا كەرىمبەك حالىقارالىق ايتىستىڭ ءىىى ورىن جۇلدەسىنە يە بولدى.
باتىس قازاقستان وبلىسى
