«اتامەكەن» ۇكپ توراعاسىنىڭ ورىنباسارى تيمۋر جاركەنوۆ اتاپ وتكەندەي, قازىرگى ۋاقىتتا ءىس جۇزىندە سالالىق مەملەكەتتىك ورگانداردىڭ زاڭعا تاۋەلدى اكتىلەرىندە قۇقىقتىق بەلگىسىزدىك تۋىندادى. اتاپ ايتقاندا, ماسەلەلەر تمككك, ءمامس تىزبەلەرىنە كىرەتىن دارىلىك زاتتاردىڭ, سونداي-اق ورفاندىق جانە الەۋمەتتىك ماڭىزى بار اۋرۋلاردىڭ يمپورتى مەن ءدارىحانا جەلىلەرىندەگى بولشەك ساۋداسىنا قاتىستى. ققس-تى ەسكەرسە نەمەسە ونى ەسەپتەمەگەندەگى ءدارى-دارمەكتىڭ شەكتى باعاسىن قالىپتاستىرۋ ماسەلەسى دە كوتەرىلدى.
تيمۋر جاركەنوۆتىڭ ايتۋىنشا, يمپورتتىق دارىلىك زاتتاردى كەدەندىك راسىمدەۋ كەزىندە كەدەن ورگاندارى اتالعان تىزبەلەرگە كىرەتىن بارلىق دارىلىك زاتتىڭ نىسانالى ماقساتىن راستاۋدى تالاپ ەتەدى. بۇل رەتتە مۇنداي تالاپ قولدانىستاعى ەرەجەلەردى كەڭىنەن ءتۇسىندىرۋ ءارى بۇل اكەلىنەتىن دارىلەردىڭ بارلىق ساناتىنا ارنالماعان.
مەملەكەتتىك كىرىستەر كوميتەتى توراعاسىنىڭ ورىنباسارى جانىبەك نۇرجانوۆ بارلىق دارىلىك زاتتى يمپورتتاۋ كەزىندەگى مىندەتتى شارت فارماتسەۆتيكالىق نەمەسە مەديتسينالىق قىزمەتكە ليتسەنزيانىڭ بولۋى, مەملەكەتتىك تاپسىرىس بويىنشا بەرىلەتىن دارىلەر ءۇشىن تمككك/مامس شەڭبەرىندەگى جەتكىزۋ شارتى, سونداي-اق تاۋاردى ماقساتتى پايدالانۋ تۋرالى جەتكىزۋشىنىڭ مىندەتتەمەسى ەكەنىن ءتۇسىندىردى.
تىركەلگەن دارىلىك زاتتى يمپورتتاۋ كەزىندە قازاقستان رەسپۋبليكاسىنىڭ اۋماعىندا مەملەكەتتىك تىركەۋ تالاپ ەتىلەدى. تىركەلمەگەندەرگە دەنساۋلىق ساقتاۋ مينيسترلىگىنىڭ رۇقسات قۇجاتى قاجەت. بۇل رەتتە نىسانالى ماقساتتى راستاۋ قازاقستان اۋماعىندا ءوندىرىس ءۇشىن پايدالانىلاتىن دارىلىك سۋبستانتسيالار مەن بالك-ونىمدەردى يمپورتتاۋ كەزىندە عانا قاجەت.
تالقىلاۋ قورىتىندىسىندا ماسەلە جوبالىق كەڭسەنىڭ وتىرىسىندا شەشىلدى. قولدانىستاعى ەرەجەلەرگە وزگەرىس ەنگىزىلىپ, دارىلىك زاتتاردىڭ يمپورتى جونىندەگى ۇستانىم جۇمىستا قولدانۋ ءۇشىن تاياۋدا كەدەن ورگاندارىنىڭ اۋماقتىق بولىمشەلەرىنە جەتكىزىلمەك.
جاڭا 4 فارماتسەۆتيكالىق زاۋىت سالىنادى: ەلىمىزدە قانداي ءدارى-دارمەكتەر وندىرىلەدى؟
تاعى ءبىر ماسەلە ورفاندىق جانە الەۋمەتتىك ماڭىزى بار اۋرۋدى ەمدەۋگە ارنالعان دارىلىك زاتتى ققس-تان بوساتۋعا قاتىستى. قازىرگى ۋاقىتتا ءدارىحانالار مۇنداي ءدارى-دارمەكتى جەتكىزۋشىلەردەن ساتىپ الۋدان باس تارتىپ وتىر. سەبەبى جەتكىزۋشىلەر قولدانىستاعى ەرەجە تەك يمپورت كەزىندە عانا ەمەس, كوتەرمە جانە بولشەك ساۋدا دا ققس-تان بوساتىلاتىنىنا قاراماستان 5% جانە 16% ستاۆكالارىن قولدانادى. بۇل نورما الەۋمەتتىك ماڭىزى بار ءدارى-دارمەكتى بولشەك ساۋداسىنا قول جەتكىزۋگە ارنالعان.
تالقىلاۋ قورىتىندىسى بويىنشا, دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق باقىلاۋ كوميتەتى مكك-مەن بىرلەسىپ, قىسقا مەرزىمدە بىرىڭعاي ۇستانىمدى ازىرلەپ, ونى فارماتسەۆتيكالىق قوعامداستىقتىڭ نازارىنا جەتكىزۋى ءتيىس.
ققس ەسەپتەلگەن نەمەسە ول قوسىلماعان دارىلىك زاتتار مەن مەديتسينالىق بۇيىمدارعا شەكتى باعالاردى بەكىتۋ ماسەلەسى دە تالقىلاندى. بۇل رەتتە سالىق تولەۋشى ققس-تى شەكتى باعادان تىس ەسەپتەۋگە قۇقىلى. ويتكەنى ول ناقتى وتكىزۋ باعاسى ەمەس, جول بەرىلەتىن جوعارعى شەك قانا.
دەنساۋلىق ساقتاۋ مينيسترلىگى مەن مكك قىسقا مەرزىمدە وسى ماسەلە بويىنشا بىرىڭعاي شەشىم ازىرلەپ, ونى بيزنەس-قوعامداستىققا جەتكىزەدى.
مكك تاراپىنان دەنساۋلىق ساقتاۋ سالاسىنا بايلانىستى ققس بويىنشا نورمالاردى قولدانۋعا بايلانىستى بىرقاتار ماسەلە ايتىلدى. ولاردىڭ بارلىعى جوبالىق كەڭسەنىڭ وتىرىسىندا قارالدى. جاقىن ارادا بيزنەستى اقپاراتتاندىرۋ ءۇشىن مكك رەسۋرستارىندا جاريالانادى.
وتكەن اپتادا سالىق ورگاندارىنا, ۇلتتىق ەكونوميكا مينيسترلىگىنە جانە «اتامەكەن» ۇكپ-عا 16,1 مىڭ ءوتىنىش كەلىپ ءتۇستى. بۇل وتكەن اپتامەن سالىستىرعاندا 3,4 مىڭعا از. 16 مىڭعا جۋىق ءوتىنىش مكك كوممۋنيكاتسيالار ارنالارى ارقىلى كەلىپ تۇسۋدە. ولار سالىقتىق اكىمشىلەندىرۋ ماسەلەسىنە قاتىستى.
