اۋەجايدان اقتاۋعا دەيىنگى تاسجول دا, بەكەت اتا جەراستى مەشىتىنە بارار جول مەن «جەتىباي − جاڭاوزەن» سىندى بىرنەشە ماڭىزداعى اۆتوجول دا اتالعان زاۋىتتىڭ ونىمدەرىمەن سالىندى.
− «اقتاۋ تەڭىز پورتى» ارنايى ەكونوميكالىق ايماقتا ورنالاسقان ءوندىرىس وشاعى 2014 جىلى اشىلعان. جارتى جىل بۇرىن ەكىنشى وندىرىستىك جەلى ىسكە قوسىلىپ, قازىرگى ۋاقىتتا ساعاتىنا 210-220 توننا ءونىم شىعارىلادى. بارلىق ماتەريالدار مەملەكەتتىك ستاندارتتارعا تولىق سايكەس كەلەدى. ەكىنشى وندىرىستىك جەلىنى ىسكە قوسۋ نارىقتاعى سۇرانىستىڭ ارتۋىنا بايلانىستى جۇزەگە اسىرىلدى. الداعى ۋاقىتتا كاسىپورىن ءوندىرىستى تولىق قۋاتقا شىعارىپ, وڭىردەگى اۆتوجول قۇرىلىسى سالاسىنىڭ دامۋىنا جانە ينفراقۇرىلىم ساپاسىن ارتتىرۋعا ءوز ۇلەسىن قوسا بەرمەك, – دەدى زاۋىت ديرەكتورىنىڭ ورىنباسارى وڭداعان ناديروۆ.
كاسىپورىن 30 تۇراقتى جۇمىس ورنىن قامتاماسىز ەتىپ, ءوڭىردىڭ الەۋمەتتىك-ەكونوميكالىق دامۋىنا ۇلەس قوسىپ وتىر. شەبىن جاقىن ماڭداعى كارەرلەردەن, بيتۋم وڭىردەگى مۇناي كاسىپورىندارىنان جەتكىزىلەدى.
كاسىپورىننىڭ ارنايى ەكونوميكالىق ايماقتا ورنالاسۋى لوگيستيكالىق مۇمكىندىكتەردى كەڭەيتىپ, ءوندىرىس تيىمدىلىگىن ارتتىرۋعا ىقپال ەتىپ كەلەدى.
ەلىمىزدە اسفالتبەتون قوسپالارىنا قويىلاتىن تالاپتار جاڭارتىلادى
