23 جاستاعى بەينەۋلىك بولاشاق دارىگەردىڭ ايتۋىنشا, ۇشاق اۋەگە كوتەرىلگەننەن كەيىن شامامەن 40 مينۋت وتكەن سوڭ بورتسەرىكتەر سالوندا دارىگەردىڭ كومەگى قاجەت ەكەنىن بىرنەشە رەت حابارلاعان.
ماڭعىستاۋدا ەكى تاۋلىك جولدا توڭعان جۇك كولىگى جۇرگىزۋشىسىنە پوليتسەيلەر كومەكتەستى
«قاراعاندىدا سوڭعى ەمتيحانىمدى تاپسىرىپ, استاناعا اەروپورتقا قاراي شىعىپ كەتتىم. ءوزىمدى نەگىزگى ەمتيحانداردان كەيىن شارشاڭقى سەزىنىپ تۇر ەدىم. ۇشاق ۇشقاننان كەيىن شامامەن 40 مينۋتتان سوڭ بورتسەرىك دارىگەرلەر بار ما دەپ حابارلادى. ءجۇز ادامنىڭ ىشىنەن بىلىكتى دارىگەرلەر تابىلار دەپ ۇندەمەدىم. بورتسەرىك ءۇشىنشى رەت قايتالاپ ايتقاننان كەيىن ءوزىم تۇرىپ ناۋقاسقا باردىم. ەڭ ءبىرىنشى ءوزىمدى تانىستىردىم. كەيىن ناۋقاستى سابىرعا شاقىرىپ, نە مازالاپ تۇرعانىن سۇراپ الدىم. ناۋقاستى قاراپ تەكسەرگەندە جاعدايى ورتاشا اۋىرلىقتا, سۇراقتارعا ءالسىن−السىن جاۋاپ بەرەدى. قان قىسىمىن تەكسەردىم. ول كىسى استانا قالاسىنان اۋرۋى بويىنشا ەمدەلىپ كەلە جاتىر ەكەن. قانىندا قانت دەڭگەيى ءتۇسىپ كەتكەنىن ءتۇسىندىم», دەدى ماحسۋد يبادۋللاەۆ.
بىلىمىنە سۇيەنىپ, جەدەل كومەك كورسەتۋگە تىرىسقان مامان ۇشاق قونعانشا ناۋقاستىڭ جانىندا جاعدايىن باقىلاپ وتىرعان.
«ناۋقاستىڭ قانت دەڭگەيىن تەكسەرەتىن قۇرال باگاج بولىمىندە بولعاندىقتان ۇشاق بورتىندا ونى الۋ مۇمكىندىگى بولمادى. باسىندا ناۋقاسقا مەديتسينالىق قوبديشاداعى 40 پايىزدىق امپۋلاداعى گليۋكوزانى ەنگىزۋ ويدا بولعان. الايدا الدىمەن وعان ەكى-ءۇش قاسىق قانت قوسىلعان ءشاي مەن كىشكەنە شوكولاد بەردىم. سوسىن ناۋقاستىڭ جاعدايى جاقساردى. كەيىن قايتا قان قىسىمىن ولشەگەندە 90-60-تان 120-80-گە وزگەردى. ۇشاق قونعانشا ناۋقاستىڭ جانىندا جاعدايىن باقىلاپ وتىردىم. سەبەبى ناۋقاس ءومىرىن جاقسارتۋ − باستى بورىشىم», دەدى ماحسۋد يبادۋللاەۆ.
الماتىنىڭ كوميۋنيتي ورتالىقتارى بيىل قانشا ازاماتقا كومەكتەستى؟
