الاياقتىق جۇزەگە اسپادى

قوستانايدا ءىرى كولەمدە اقشا جىم­قىرعىسى كەلگەن الاياقتىق­تىڭ جولى كەسىلدى. كەدەن ور­گان­دارىنداعى نىساننىڭ كيىمىن كيگەن بىرەۋ قوستاناي وبلىسى بوي­ىنشا قازىناشىلىق دەپار­تا­مەنتىنە كەلىپ, جاساندى قار­جى­لىق قۇجاتتار ۇسىنعان. سول ارقىلى كەدەندىك باقىلاۋ دە­پار­تامەنتىنىڭ دەپوزيتتىك شو­تىنان 100 ميلليون تەڭگە كولەمىندەگى قارجىنى زاڭدى تۇلعانىڭ ەسەپ ايىرىسۋ شوتىنا اۋدارتۋعا نيەتتەنگەن. كەدەنشى كەيپىنە كىرگەن الاياق ۇسىنعان قۇجاتتارعا كۇدىك­تەنگەن قازىناشىلىق دەپارتا­مەنت قىزمەتكەرى دەرەۋ كەدەندىك باقىلاۋ كوميتەتىنە حابارلاس­قان. ال وڭاي ولجاعا باتقىسى كەل­گەن ارام نيەتتى ازامات ءىزىن جاسىرىپ ۇلگەرگەن. سوت-كريمي­ناليستىك ساراپتاما قورىتىن­دى­سى قوستاناي وبلىسى بويىنشا قازىناشىلىق دەپارتامەنتىنە ۇ­سى­نىلعان قۇجاتتارعا قويىلعان ءمور دە, قوستاناي وبلىسى بوي­ىن­شا كەدەندىك باقىلاۋ دەپار­تا­مەنتى باسشىلارىنىڭ قول­دا­رى دا جاساندى ەكەنىن انىقتادى. وسى وقيعا بويىنشا وبلىس­تاعى كەدەندىك باقىلاۋ دەپارتا­مەنتى قىلمىستىق كودەكستىڭ 24-بابى (قىلمىسقا دايىندالۋ جانە قىلمىس جاساۋعا قاستىق وي­لاۋ) جانە 177-بابى, 3-ءبولى­مىنىڭ “ب” تارماعى ء(ىرى مولشەردە جاسالعان الاياقتىق) بويىنشا قىلمىستىق ءىس قوزعالدى. قازىرگى كەزدە كەدەنشىلەر مەن قارجى پوليتسياسى بىرىگىپ, شۇعىل ىزدەستىرۋ جۇمىستارىن جۇرگىزۋدە. ءنازيرا جارىمبەتوۆا, قوستاناي.