قالا كوشەلەرىن پاترۋلدەۋ بارىسىندا اسكەري جاساق باستىعى قاتارداعى داۋرەن ومىربەك جانە پاترۋلدەۋشىلەر قاتارداعى ءداۋىر اشىمبەك پەن دوسىمجان داۋلەتحان كۇماندى ارەكەت جاساعان بەلگىسىز تۇلعالارعا نازار اۋدارادى. كولىكتەن تۇسكەن ەكى ازامات اينالاسىنا جالتاقتاپ, قاردىڭ استىنان بەلگىسىز زاتتى الىپ, وقيعا ورنىنان بوي تاسالاۋعا تىرىسقان.
جاعدايدى جەدەل باعالاعان ۇلاندىقتار دەرەۋ ولاردى قۋعا كىرىسىپ, كۇدىكتىلەردىڭ ءبىرىن ۇستادى. ال قالعان ەكەۋى قاشىپ ۇلگەرگەن. وقيعا تۋرالى اسكەري جاساقتار كەزەكشىسىنە جەدەل تۇردە باياندالدى. كەزەكشى 102 ءنومىرى ارقىلى پوليتسيا قىزمەتكەرلەرىنە حابارلادى.
ۇلتتىق ۇلان مەن «انالار جۇرەگى»: اسكەردەگى باقىلاۋ قالاي وزگەرەدى؟
اتالعان فاكت بويىنشا ماتەريالدار تەرگەۋ-جەدەل توبىنا تاپسىرىلىپ, ۇستالعان ازامات زاڭناماعا سايكەس ۋاقىتشا ۇستاۋ يزولياتورىنا قامالدى.
بۇل وقيعا ۇلتتىق ۇلان اسكەري قىزمەتشىلەرىنىڭ جوعارى دايارلىعى مەن قىراعىلىعىن ايقىن كورسەتەدى. كۇن سايىن قوعامدىق ءتارتىپتى قامتاماسىز ەتىپ جۇرگەن ۇلاندىقتار ەسىرتكىنىڭ زاڭسىز اينالىمىنا قارسى كۇرەسكە ەلەۋلى ۇلەس قوسىپ ءجۇر.
ايتا كەتەيىك, 2025 جىلى ەسىرتكى زاتتارىن زاڭسىز ساقتاۋ جانە تاسىمالداۋدىڭ 56 دەرەگى قۇقىقتىق ءتارتىپ اسكەرلەرىنىڭ ارقاسىندا انىقتالىپ, تىركەلگەن.
