بايقاۋعا ەلوردالىق مەكتەپتەردەن 100-گە جۋىق وقۋشى قاتىسىپ, قازاق ادەبيەتىنىڭ كلاسسيكالىق تۋىندىلارىن وقىپ, مازمۇنىن تالداپ, شىعارماشىلىق جۇمىستارىن ۇسىندى. ءىس-شارانىڭ باستى ماقساتى – وسكەلەڭ ۇرپاق اراسىندا وقىرمان مادەنيەتىن قالىپتاستىرىپ, كىتاپ وقۋعا دەگەن قىزىعۋشىلىقتى ارتتىرۋ.
ۇيىمداستىرۋشىلاردىڭ ايتۋىنشا, ءىس-شارا اياسىندا وقۋشىلار بەيىمبەت ءمايليننىڭ «شۇعانىڭ بەلگىسى», مىرجاقىپ دۋلاتوۆتىڭ «باقىتسىز جامال», باۋىرجان مومىش ۇلىنىڭ «ۇشقان ۇيا», ءابدىجامىل نۇرپەيىسوۆتىڭ «قان مەن تەر», بەردىبەك سوقپاقباەۆتىڭ «مەنىڭ اتىم قوجا», سوفى سىماتاەۆتىڭ «ەلىم-اي» شىعارمالارىن وقىپ, بويىنا ءبىلىم مەن رۋحاني قۇندىلىقتاردى سىڭىرۋگە مۇمكىندىك العان.
بايقاۋ بارىسىندا وقۋشىلاردىڭ شىعارماشىلىق ىزدەنىسى, ءماتىندى ءتۇسىنۋ دەڭگەيى, كىتاپقا دەگەن تانىمدىق كوزقاراسى قازىلار القاسىنىڭ باعالاۋى بويىنشا انىقتالىپ, بەلسەندى قاتىسۋشىلار مەن ۇزدىك شىققان وقۋشىلار ماراپاتتالدى. استانا قالاسىندا كىتاپ وقۋ مادەنيەتىن دامىتۋعا, جاس ۇرپاقتىڭ بىلىمگە دەگەن قۇشتارلىعىن ارتتىرۋعا جانە رۋحاني قۇندىلىقتاردى دارىپتەۋگە باعىتتالعان بۇل باستاما الداعى ۋاقىتتا دا جالعاسىن تاپپاق.
