ونىڭ ايتۋىنشا,ء بىر پالاتالى پارلامەنت مودەلىنە ارنالعان نورمالار ءتورتىنشى «قۇرىلتاي» دەگەن بولىمدە جيناقتالدى. وندا زاڭ شىعارۋ ورگانىنىڭ وكىلەتتىكتەرى بەكىتىلدى, سونىمەن قاتار قۇرىلتايدىڭ سەسسيالارىنا جانە ونىڭ قىزمەتىن ۇيىمداستىرۋعا قاتىستى باپتاردىڭ بارلىعى دەرلىك جاڭارتىلدى.
جاڭا كونستيتۋتسيادا قانشا ءبولىم, قانشا باپ بولادى؟
«زاڭ شىعارۋ باستاماسى قۇقىعىنا يە سۋبەكتىلەردىڭ قاتارى انىقتالدى. قۇرىلتاي زاڭ قابىلداۋ ارقىلى رەتتەلەتىن اسا ماڭىزدى قوعامدىق قاتىناستاردىڭ تىزبەسى بەرىلدى. زاڭ جوبالارىن قاراۋ مەن قابىلداۋدىڭ راسىمدەرى كوزدەلدى. قۇرىلتاي توراعاسىنىڭ لاۋازىمىنا قاتىستى ماسەلەلەر جەكە باپتا رەتتەلدى», دەپ باقىت نۇرمۇحانوۆ اتاپ ءوتتى.
كونستيتۋتسيا جوباسىنىڭ بەسىنشى ءبولىمى «ۇكىمەتكە» ارنالىپ وتىر.
ء«بىر پالاتالى قۇرىلتايعا كوشۋگە بايلانىستى كوپتەگەن ەرەجەلەر ناقتىلاندى. ولار ۇكىمەت پەن ونىڭ مۇشەلەرىنىڭ قۇرىلتاي الدىنداعى جاۋاپتىلىعى مەن ەسەپ بەرۋ, سەنىمسىزدىك ۆوتۋمىن ءبىلدىرۋ, قۇرىلتايعا زاڭ جوبالارىن ەنگىزۋ, رەسپۋبليكالىق بيۋدجەت جانە ونىڭ اتقارىلۋى تۋرالى ەسەپ بەرۋ ماسەلەلەرىنە بايلانىستى بولىپ وتىر», دەدى ول.
باقىت نۇرمۇحانوۆتىڭ ايتۋىنشا, التىنشى ءبولىم ەكى باپتان تۇرادى جانە قازاقستان حالىق كەڭەسىنە قاتىستى ماسەلەلەردى رەتتەيدى.
ساۋالناما: ەل ازاماتتارىنىڭ 80%-ى كونستيتۋتسيالىق رەفورمانى قولدايدى
«قۇرامىنا ەل ازاماتتارى كىرەتىن بۇل جوعارى كونسۋلتاتيۆتىك ورگان قازاقستان حالقىنىڭ مۇددەسىن بىلدىرەدى. ونىڭ قۇرىلتايعا زاڭ جوبالارىن ەنگىزۋ, رەسپۋبليكالىق رەفەرەندۋم تاعايىنداۋ تۋرالى ۇسىنىسقا باستاما جاساۋ جانە باسقا دا ماڭىزدى وكىلەتتىكتەرى بەلگىلەندى», دەپ اتاپ ءوتتى.
جەكە, جەتىنشى بولىمدە «كونستيتۋتسيالىق سوتقا» قاتىستى نورمالار شوعىرلاندىرىلدى.
باقىت نۇرمۇحانوۆ كونستيتۋتسيالىق سوتتىڭ قۇرامىنا, سۋديالاردىڭ وكىلەتتىك مەرزىمدەرىنە جانە قۇزىرىنا قاتىستى نورمالار نەگىزىنەن ساقتالعاندىعىن مالىمدەدى.
وسى ورايدا كونستيتۋتسيالىق سوتتىڭ كونستيتۋتسيالىق باقىلاۋ جۇرگىزەتىن جانە بۇكىل ەل اۋماعىندا كونستيتۋتسيانىڭ ۇستەمدىگىن قامتاماسىز ەتەتىن تاۋەلسىز مەملەكەتتىك ورگان رەتىندەگى ميسسياسى بەلگىلەندى.
