الايدا پروتسەسس فورمالدى تۇردە ءالى اياقتالعان جوق. تورەلىك شەشىم ورىندالۋ ساتىسىنان ءوتۋى ءتيىس, سونداي-اق ينۆەستورلار تاراپىنان اپەللياتسيالىق راسىمدەر بولۋى مۇمكىن. وسى سەبەپتى مەملەكەتتىك ورگاندار ازىرگە پىكىر بىلدىرۋدەن تارتىنىپ وتىر. سەبەبى مەرزىمىنەن بۇرىن جاسالعان مالىمدەمەلەر وتەماقىنى ءوندىرىپ الۋ بارىسىنا اسەر ەتۋى ىقتيمال.
قاراشىعاناق وپەراتورلارى قازاقستانعا 4 ملرد دوللار وتەماقى تولەيدى
Tengenomika ارناسىنىڭ جازۋىنشا, قازاقستان حالىقارالىق قۇقىقتىق جۇيە اياسىندا ءوز مۇددەسىن قورعاي الاتىنىن ءبىلدىرىپ, كەلىسىمشارت تالاپتارى مەن تورەلىك تەتىكتەرگە سۇيەنە وتىرىپ ارەكەت ەتۋ قابىلەتىن كورسەتتى. بۇل – ينستيتۋتسيونالدى تاجىريبەنىڭ كورسەتكىشى. ال جينالعان قۇقىقتىق تاجىريبە سەرىكتەستىك قۇرىلىمى ۇقساس باسقا جوبالار ءۇشىن دە پراكتيكالىق ماڭىزعا يە.
سونىمەن بىرگە بۇل داۋدىڭ ناتيجەسى قازاقستاننىڭ ينۆەستيتسيالىق ساياساتىن قايتا قارالادى دەگەندى بىلدىرمەيدى. ەل شەتەلدىك كاپيتال مەن تەحنولوگيا تارتۋعا, سونىڭ ىشىندە مۇناي-گاز سەكتورىنا, بۇرىنعىداي مۇددەلى. بۇل جاعداي ءوزارا ءىس-قيمىلدىڭ شەكاراسىن ناقتىلاي تۇسەدى: كەلىسىمشارت تالاپتارى مەن قارجىلىق مىندەتتەمەلەردى ساقتاۋ – بارلىق تاراپتار ءۇشىن نەگىزگى قاعيدا.
شەتەلدىك ينۆەستورلار ءۇشىن بۇل جاعداي قۇقىقتىق ەرەكشەلىكتەردىڭ ماڭىزىن ەسكە سالادى. ۇزاق مەرزىمدى مۇناي-گاز جوبالارىندا ءدال وسى قۇقىقتىق تەتىكتەر داۋلار تۋىنداعان كەزدە تاراپتاردىڭ پوزيتسياسىن قورعاۋدىڭ نەگىزىنە اينالادى.
