كەش بارىسىندا قازاقتىڭ ءداستۇرلى ءان ونەرىن اسقاقتاتقان تۇلعانىڭ رەپەرتۋارىنداعى تاڭداۋلى تۋىندىلار شىرقالىپ, كورەرمەن قاۋىم رۋحاني اسەرگە بولەندى. ساحنادا ۇلتتىق ونەردىڭ ءورىسىن كەڭەيتىپ جۇرگەن انشىلەر دانەش راقىشەۆتىڭ شىعارماشىلىق مۇراسىن جاڭعىرتىپ, ونىڭ ورىنداۋشىلىق مەكتەبىنىڭ ەرەكشەلىگىن ايشىقتاي ءتۇستى.
وقي وتىرىڭىز: دانەش ەككەن ءدان
فيلارمونيا ديرەكتورى سامات جەكسەنباەۆ مەرەيتويلىق كەشتىڭ ماڭىزىنا توقتالىپ: «دانەش راقىشەۆ – قازاقتىڭ ءداستۇرلى ءان ونەرىن بيىك دەڭگەيگە كوتەرگەن بىرەگەي تۇلعا. ونىڭ شىعارماشىلىعى – ۇلتتىق رۋحانياتىمىزدىڭ اسىل قازىناسى. بۇگىنگى كەش – سول مۇرانى جاس ۇرپاققا ناسيحاتتاپ, حالىق جۇرەگىندە قايتا جاڭعىرتۋعا ارنالعان تاعزىم», دەدى.
كەشكە كەلگەن كورەرمەندەر دە ەرەكشە اسەر العاندارىن جاسىرمادى.
«دانەش اعامىزدىڭ اندەرى – تۇنىپ تۇرعان تاريح پەن تاعدىر. بۇگىن سول اندەردى جاندى داۋىستا تىڭداپ, ەرەكشە تولقىدىم. وسىنداي كەشتەر ءجيى ۇيىمداستىرىلسا ەكەن», دەيدى قالا تۇرعىنى.
تاعىلىمدى شارا ۇلتتىق ونەردى ۇلىقتاپ, ءداستۇرلى انگە دەگەن كورەرمەن ىقىلاسىنىڭ جوعارى ەكەنىن تاعى ءبىر مارتە كورسەتتى.
