فوتو: Oqu-agartu ministrligi
جاڭا تسيفرلى شەشىم بالالاردىڭ پسيحوەموتسيالىق جاعدايىن جۇيەلى تۇردە باقىلاۋعا مۇمكىندىك بەرەدى. پلاتفورما پسيحولوگيالىق جانە مىنەز-ق ۇلىقتىق قاۋىپ-قاتەرلەردى انىقتاپ قانا قويماي, بالانىڭ جاعدايىنداعى وزگەرىستەردى ديناميكادا قاداعالاۋعا جاعداي جاسايدى. سونىڭ ناتيجەسىندە قولداۋدى قاجەت ەتەتىن بالالارعا ۇزدىكسىز ءارى نىسانالى كومەك كورسەتۋ تەتىگى قالىپتاسادى. ۇدەرىستەردى تسيفرلاندىرۋ ارقىلى كورسەتىلەتىن كومەكتىڭ بىرىڭعاي باعىتى ايقىندالىپ, ۆەدومستۆولار اراسىنداعى قايتالاناتىن فۋنكتسيالار قىسقارادى, ال ماماندارعا تۇسەتىن كاسىبي جۇكتەمە وڭتايلاندىرىلادى.
ەلىمىزدە العاش رەت پەداگوگتەردى پسيحولوگيالىق قولداۋ كابينەتى اشىلدى
تۇجىرىمداما شەڭبەرىندەگى باستى باسىمدىقتاردىڭ ءبىرى – پەداگوگ-پسيحولوگتار ينستيتۋتىن جۇيەلى تۇردە دامىتۋ. وسى ماقساتتا ءبىلىم بەرۋ ۇيىمدارىندا بالالاردىڭ الەۋمەتتىك جانە ەموتسيالىق داعدىلارىن قالىپتاستىرۋعا باعىتتالعان ارنايى پەداگوگ-پسيحولوگ ساعاتىن ەنگىزۋ كوزدەلىپ وتىر. بۇل بالالاردىڭ ءوز ەموتسياسىن باسقارۋ, قارىم-قاتىناس ورناتۋ جانە كۇيزەلىس جاعدايلارىنا ءتوزىمدى بولۋ قابىلەتىن ارتتىرۋعا باعىتتالادى.
سونىمەن قاتار زورلىق-زومبىلىقتان زارداپ شەككەن بالالارعا ارنالعان كومەك كابينەتتەرى اشىلادى. بۇل كەڭىستىكتەردە بالالار كاسىبي پسيحولوگيالىق قولداۋدى قاۋىپسىز ءارى قولايلى جاعدايدا الا الادى.
250 مىڭنان استام ادام پسيحولوگيالىق قولداۋ ورتالىقتارىنا جۇگىنگەن
ەلىمىز بويىنشا پەداگوگ-پسيحولوگتارعا ارنالعان بىرىڭعاي كاسىبي ستاندارتتار مەن بىلىكتىلىك تالاپتارىن قايتا قاراۋ جوسپارلانىپ وتىر. قازىرگى زامان سىن-قاتەرلەرىن ەسكەرە وتىرىپ, مامانداردىڭ بىلىكتىلىگىن مىندەتتى تۇردە ارتتىرۋ ەنگىزىلەدى. بۇل جۇمىس داعدارىستىق جاعدايلارمەن, سونداي-اق تسيفرلى ورتاداعى تاۋەكەلدەرمەن ءتيىمدى جۇمىس ىستەۋدى قامتيدى.
كەيس مەنەدجمەنت ينستيتۋتىن دامىتۋ دا نازاردان تىس قالمايدى. بۇل باعىتتا پەداگوگ-پسيحولوگ بالا مەن ونىڭ وتباسىن كەشەندى سۇيەمەلدەۋدىڭ نەگىزگى قاتىسۋشىسىنا اينالىپ, ءتۇرلى قىزمەتتەر اراسىنداعى ۇيلەستىرۋشى ءرول اتقارادى.
بالالاردى قورعاۋ جۇيەسىندە ۆەدومستۆوارالىق ىقپالداستىقتى كۇشەيتۋ دە ماڭىزدى مىندەتتەردىڭ ءبىرى. اتاپ ايتقاندا, قىلمىستىق پروتسەسس شەڭبەرىندە زارداپ شەككەن بالالار مەن زورلىق-زومبىلىقتىڭ كۋاگەرلەرىن سۇيەمەلدەۋگە پسيحولوگتاردىڭ مىندەتتى تۇردە قاتىسۋى قامتاماسىز ەتىلەدى. بۇل بالانىڭ پسيحولوگيالىق احۋالىن ەسكەرىپ, ونىڭ قۇقىقتارى مەن مۇددەلەرىن جان-جاقتى قورعاۋعا مۇمكىندىك بەرەدى.
جالپى العاندا, كوزدەلگەن شارالار جۇيەلى پروفيلاكتيكاعا كوشۋگە, پەداگوگ-پسيحولوگتاردىڭ كاسىبي مارتەبەسى مەن تۇراقتىلىعىن ارتتىرۋعا جول اشادى. ەڭ باستىسى, تۇرعىلىقتى جەرىنە قاراماستان ءاربىر بالاعا ۋاقتىلى, كاسىبي جانە ۇزدىكسىز پسيحولوگيالىق كومەك كورسەتۋگە نەگىز قالايدى.
پسيحولوگيالىق قولداۋ ورتالىقتارىنا بىلتىر قانشا ادام جۇگىندى؟
