وسى كۇندەرى استانا قالاسىنىڭ ەمحانالارىندا ەرتە شاقتاعى بالالارمەن جۇمىس ىستەيتىن مەديتسينالىق-سانيتاريالىق العاشقى كومەك ۇيىمدارىنىڭ 60 مامانى ءۇشىن بالا دامۋىن مونيتورينگتەۋدىڭ حالىقارالىق نۇسقاۋلىعى بويىنشا العاشقى ترەنينگ باستالدى.
30 قاڭتاردان باستاپ ءار بالاعا شامامەن 130 دوللار اۋدارىلادى
قاتىسۋشىلاردىڭ اراسىندا تاجىريبەلى دارىگەرلەر مەن ەلىمىزدەگى بارلىق مەديتسينالىق جوعارى وقۋ ورىندارىنىڭ وقىتۋشىلارى بار. الدا وسىنداي ترەنينگتەر ەلىمىزدىڭ بارلىق وڭىرلەرىندە ءوتىپ, بالا دامۋىن مونيتورينگتەۋدىڭ حالىقارالىق نۇسقاۋلىعى ۇلتتىق دەڭگەيدە قولجەتىمدى بولادى. بۇل جۇمىستاردىڭ بارلىعى ۇكىمەت بيىل بەكىتكەن ء«ساتتى باستاۋ» ەرتە دامۋ جانە ەرتە ارالاسۋ جونىندەگى كەشەندى جوسپار مەن «قازاقستان بالالارى» تۇجىرىمداماسى شەڭبەرىندە ىسكە اسا باستادى.
دامۋىندا كەدەرگى بار بالانى ەرتە انىقتاۋ مەن ەرتە ارالاسۋ – ءبىرىنشى كەزەك مۇگەدەكتىكتىڭ الدىن الادى. وسىلايشا, 6 جاسقا دەيىنگى ءاربىر بالانىڭ (2,3 ميلليوننان استام ءبۇلدىرشىن) ءوز الەۋەتىن تولىق اشۋعا مۇمكىندىك بەرەدى. كوپجىلدىق زەرتتەۋلەر نەگىزىندە ازىرلەنگەن بالا دامۋىن مونيتورينگتەۋدىڭ حالىقارالىق نۇسقاۋلىعى ءبۇلدىرشىن دامۋىنداعى قيىندىقتاردى انىقتاۋمەن قاتار, ونىڭ مىقتى تۇستارىنا نازار اۋدارادى, وتباسىلاردى قولداۋعا باعىتتالعان ءتيىمدى شەشىمدەردى ۇسىنادى.
بۇگىندە ەل بويىنشا مەديتسينالىق-سانيتاريالىق العاشقى كومەك ۇيىمدارىنىڭ جانىنان 336 دامۋ جانە ەرتە ارالاسۋ ورتالىعى اشىلعان. بۇل ورتالىقتاردا وتباسىلار جان-جاقتى قولداۋ تابادى. ءوز كەزەگىندە اتا-انالار دا كەرى بايلانىس ارقىلى ورتالىقتاردىڭ جۇمىسىن جەتىلدىرۋگە اتسالىسىپ, بالالارعا كورسەتىلەتىن كومەكتىڭ تيىمدىلىگىن ارتتىرۋعا ۇلەس قوسىپ كەلەدى.
