فوتو: pinterest.com
Truth Social الەۋمەتتىك جەلىسىندە جاريالاعان جازباسىندا ترامپ يرانعا سوڭعى ەسكەرتۋ جاسادى. ول تەگەراندى يادرولىق قارۋدان باس تارتۋدى كوزدەيتىن ء«ادىل ءارى تەڭ» كەلىسىمگە كەلۋگە ۇندەدى.
«يران كەلىسسوز ۇستەلىنە تەزدەتىپ وتىرادى دەپ ۇمىتتەنەمىن. ۋاقىت تىعىز, بۇل شىنىمەن دە شەشۋشى كەزەڭ. كەلەسى سوققى بۇدان دا اۋىر بولادى», دەپ جازدى اقش پرەزيدەنتى.
ترامپتىڭ ايتۋىنشا, يرانعا بەت العان امەريكالىق اسكەري كەمەلەر توبىنا USS Abraham Lincoln ۇشاق تاسىمالدايتىن كەمەسى جەتەكشىلىك ەتىپ كەلەدى. پرەزيدەنت بۇل كەمە قاجەت جاعدايدا اسكەري كۇش قولدانۋعا دايىن ەكەنىن اتاپ ءوتتى.
وتكەن اپتادا-اق اقش يرانمەن اراداعى قارىم-قاتىناستىڭ ۋشىعۋىنا بايلانىستى تاياۋ شىعىستاعى اسكەري قاتىسۋىن كۇشەيتىپ جاتقانى حابارلانعان. ۆاشينگتون بۇل ارەكەتتەردى ايماقتاعى قاۋىپسىزدىك پەن ستراتەگيالىق مۇددەلەردى قورعاۋ قاجەتتىلىگىمەن ءتۇسىندىرىپ وتىر.
