ەنەرگيا تاپشىلىعى ازايادى

ەلباسى نۇرسۇلتان نازارباەۆ ۇسىنعان بەس ينستيتۋتتىق رەفورمانى» جانە «نۇرلى جول» جاڭا ەكونوميكالىق ساياساتىن جۇزەگە اسىرۋ بارىسىندا ەلىمىزدەگى ەنەرگەتيكا مينيسترلىگى بىرنەشە جوبالاردى جۇزەگە اسىرۋدا. پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا العا قويىلعان بىرقاتار تاپسىرمالاردى تارقاتىپ ايتقان ەنەرگەتيكا مينيسترلىگىنىڭ ەلەكتر ەنەرگەتيكاسى دەپارتامەنتىنىڭ ديرەكتورى باۋىرجان سارسەنوۆ اتالعان سالاداعى جوبالارمەن تانىستىردى. «نۇرلى جول» باعدارلاماسىنىڭ شەڭبەرىندە بىرىڭعاي ەلەكتر ەنەرگەتيكا جۇيەسىن دامىتۋ تاقىرىبى تالقىلانعان جيىندا ەلىمىزدىڭ ەنەرگەتيكالىق سالاسىن, ونىڭ ىشىندە, ەلەكتر جانە كولىك ينفراقۇرىلىمدارىن دامىتۋ ءبىزدىڭ ەكونوميكانىڭ باسىم باعىتتارىنىڭ ءبىرى بولىپ تابىلاتىندىعى ءسوز بولدى. بۇل ورايدا مەملەكەت باسشىسى نۇرسۇلتان نازارباەۆتىڭ وتكەن جىلدىڭ قاراشاسىنداعى «نۇرلى جول – بولاشاققا باستار جول» اتتى قازاقستان حالقىنا جولداۋىندا «ماگيسترالدىق جەلىلەردىڭ شەكتەۋلىلىگى ەلدىڭ وڭتۇستىك وڭىرلەرىندە ەلەكتر ەنەرگياسىنىڭ تاپشىلىعىن تۋىنداتىپ وتىر. ەكى جوباعا نازار سالۋ كەرەك. بۇل قازاقستاندىق ەلەكتر ستانسالارىنىڭ ەلدىڭ بارلىق وڭىرلەرىن تەڭدەستىرىلگەن ەنەرگيامەن قامتاماسىز ەتۋىنە مۇمكىندىك بەرەدى», دەپ اتاپ وتكەن بولاتىن, دەي كەلە ب.سارسەنوۆ وسى مىندەتتەردى ىسكە اسىرۋ ماقساتىندا كەلەسى رەتتەگى جوعارى ۆولت­تى ەلەكتر جەلىلەرى سالىناتىندىعىن العا تارتتى. ولاردىڭ ءبىرى 500 كۆ بولاتىن جوعارى ۆولتتى «ەكىباستۇز – سەمەي – وسكەمەن» بولسا, ەكىنشىسى «سەمەي – اقتوعاي – تالدىقورعان – الماتى» ەلەكتر جەلىلەرى بولماق. اتالعان جەلىلەردى سالۋ ەكى كەزەڭنەن تۇراتىندىعىنا توقتالعان ب.سارسەنوۆ العاشقى كەزەڭگە 500 كۆ-تىق «ەكىباستۇز – سەمەي – وسكەمەن» ەلەكتر جەلىسىن سالۋ جاتاتىندىعىن ايتتى. ونى ىسكە اسىرۋ مەرزىمى 2011-2017 جىلدار ارالىعى بولىپ تابىلاتىندىعىن تىلگە تيەك ەتكەن ول, جوبانىڭ ءبىرىنشى كەزەڭىن جۇزەگە اسىرۋ ءۇشىن «KEGOC» اق نىسانداردى سالۋدا تولىققاندى تاپسىرۋ قاراستىرىلعان كەلىسىمشارتتارعا قول قويعاندىعىن ءتۇسىندىردى. ال ەكىنشى كەزەڭدى جوسپار بويىنشا ىسكە اسىرۋ مەرزىمى 2012-2018 جىلدار ارالىعى بولىپ وتىرعان 500 كۆ-تىق «سەمەي – اقتوعاي – تالدىقورعان – الماتى» جوعارى ۆولتتى ەلەكتر جەلىسىن سالۋ, دەدى دەپارتامەنت ديرەكتورى. سونىمەن قاتار, قازىرگى تاڭدا ەلەكتر تاسىمالداۋ جەلىسىن سالۋعا جەر ۋچاسكەلەرىن ءبولۋ جۇزەگە اسىرىلدى جانە 220 كۆ, 500 كۆ جانە قوسالقى ستانسالار سالىناتىن جولداردا جوبالىق جۇمىستار مەن ينجەنەرلىك ىزدەنىس جۇمىستارى جۇرگىزىلۋدە, دەپ اتاپ ءوتتى ب.سارسەنوۆ. ناتيجەسىندە, جوعارىدا اتالعان جوبالار ىسكە قوسىلعان سوڭ ەلىمىزدىڭ بار­لىق وڭىرلەرىن تەڭدەستىرىلگەن ەنەرگيا­مەن قامتاماسىز ەتۋ ماسەلەسى عانا شە­شى­لىپ قويماي, سونداي-اق, بىرقاتار تەمىر­­جولدارداعى ەنەرگيا تاپشىلىعى باي­قالاتىن جەرلەردى ەلەكترلەندىرۋ ءۇشىن قولايلى جاعداي جاسالادى, دەي كەلە باۋىر­جان سارسەنوۆ شەكارالاس اۋماق­تاردى جانە قاشىقتىقتا ورنالاسقان ءوڭىر­لەردى دامىتۋعا قوسىمشا سەرپىن بەرىلە­تىن­دىگىن, جاڭارتىلاتىن ەنەرگيا كوزدەرىنە بايلانىس­تى جوبالاردى ەنگىزۋگە جاڭا مۇمكىندىكتەر پايدا بولاتىندىعىن العا تارتتى. ەلميرا ماتىباەۆا, «ەگەمەن قازاقستان».