وبلىستىق توتەنشە جاعدايلار دەپارتامەنتىنىڭ يميدجدىك جۇمىس جانە سىرتقى كوممۋنيكاتسيالار توبىنىڭ مالىمەتىنشە, 1966 جىلعى ەر ادام 9 قاڭتاردا كوكارنا شاعىن اۋدانىنداعى جەكە ۇيدەن شىعىپ كەتكەن. ونى ىزدەستىرۋ جۇمىسى جايىق وزەنىنىڭ جاعالاۋىندا جۇرگىزىلگەن. ال سۋ استى درونمەن تەكسەرىلگەن.
اقتاۋدا ەسىنەن اداسقان 63 جاستاعى ەر ادام جوعالىپ كەتتى
«سۋ ايدىنىنىڭ ءتۇبىن تەكسەرۋدە قيىندىق تۋدىرعان بىرنەشە جايت بار. بۇل – قولايسىز جاعداي, سۋ استى اعىسى, كورىنۋ دەڭگەيىنىڭ تومەندىگى. گيدرولوگيالىق جاعدايدىڭ كۇردەلىلىگى ىزدەۋ جۇمىسىنا كەدەرگى كەلتىردى. قۇتقارۋشىلار بۇگىن, 28 قاڭتاردا جوعالعان ادامنىڭ مۇردەسىن جەكە زاتتارى تابىلعان ورىننان 100 مەترگە جۋىق قاشىقتىقتا جايىق وزەنىنەن 2 مەتر تەرەڭدىكتەن تاپتى», دەپ حابارلادى دەپارتامەنتتىڭ يميدجدىك جۇمىس جانە سىرتقى كوممۋنيكاتسيالار توبى.
ىزدەۋ جۇمىسىنا قۇتقارۋشىلار, پوليتسيا قىزمەتكەرلەرى, №5546 اسكەري ءبولىمىنىڭ ساربازدارى مەن ەرىكتىلەردەن 25 ادام قاتىستى. سونداي-اق, 9 تەحنيكا, 1 ءجۇزۋ قۇرالى, 2 كينولوگيالىق ەسەپتوپ, 1 سۋاستى درونى, ۇشقىشسىز ۇشۋ اپپاراتى تارتىلدى.
