ورتالىق كوممۋنيكاتسيالار قىزمەتiندە اۋىل شارۋاشىلىعى مينيسترi اسىلجان مامىتبەكوۆ باسپاسوز ءماسليحاتىن وتكىزدى. وعان ۆەدوموستۆونىڭ بىرقاتار سالا باسشىلارى دا قاتىستى.
ءباسپاسوز ءماسليحاتىندا «اوك قولداۋ بويىنشا مەملەكەتتiك شارالار» دەگەن تاقىرىپ اياسىندا اڭگىمە ءوربىدى. قازىرگى تاڭدا اۋىل شارۋاشىلىعى سالاسىندا اتقارىلىپ جاتقان جۇمىستار مەن تۋىنداعان ماسەلەلەر جونىندە ايتقان مينيستر, سوڭعى جىلدارى قول جەتكەن تابىستاردى دا اتاپ ءوتتى. «وتكەن جىلى شەتەلدەن قازاقستانعا يمپورتتالاتىن اۋىلشارۋاشىلىق تاۋارلارىنىڭ كولەمى ازايدى. ناقتىلاساق, ازىق-تۇلiك يمپورتى الىس شەتەلدەردەن 6,2, ال ەۋرازيالىق ەكونوميكالىق وداق ەلدەرiنەن كەلەتiن تاۋارلار 10 پايىزعا تومەندەدi. يمپورتتى الماستىرۋ باعىتىندا جاقسى دامۋ بار. ماسەلەن, ەت يمپورتى 42,3 پايىزعا, جۇمىرتقا ءۇش, كارتوپ ەكi, قيار 4,8 ەسەگە كەمىدى. ەسەسiنە ەكسپورتىمىز ءوسiپ كەلەدi. بىلتىر العاش رەت ەت جانە ەت ونiمدەرiنiڭ 12 مىڭ تونناسىن ەكسپورتتادىق. ونىڭ 7 مىڭ تونناسى سيىر ەتi. سونداي-اق, وڭدەلگەن ەت ونiمدەرiنiڭ ەكسپورتى دا وسۋدە. شۇجىق جانە ەت كونسەرۆiلەرiنiڭ ەكسپورتى 9 جانە 2 ەسەگە دەيىن ارتتى. شەتەلگە ءسۇتتi جەتكiزۋ كولەمi دە التى ەسەگە كوبەيدى. رەسەي مەن قازاقستان ۆاليۋتا باعامدارىنىڭ ايىرماشىلىعىنا قاراماستان, مۇنداي جاعىمدى احۋال بيىل دا ساقتالىپ وتىر. جىلدىڭ ەكi ايىندا 620 توننا تاۋىق ەتi ەكسپورتتالدى. بىلتىر ونىڭ كولەمi 141 توننا بولاتىن. بىلتىر سىر مەن iرiمشiك ەكسپورتى بولماعان ەدi, بيىل ول 316 توننانى قۇرادى. بۇل, 2013 جىلى قابىلدانعان «اگروبيزنەس-2020» باعدارلاماسىنىڭ العاشقى ناتيجەلەرi», دەدى ا.مامىتبەكوۆ.
قازاقستان جاقىن ۋاقىتتارى اۋىل شارۋاشىلىعى سالاسىندا شەتەل ينۆەستورلارىن تارتۋ ارقىلى 15 يننوۆاتسيالىق جوبانى قولعا الماق. «بۇگىنگi كۇندە, قوسىلعان قۇندى قامتاماسىز ەتەتiن سالا رەتiندە قايتا وڭدەۋ ونەركاسiبiن دامىتۋ بەكىتىلدi. وسىعان وراي, ەلباسى بەرگەن تاپسىرمانى ورىنداۋ ماقساتىندا شەتەلدiك iرi ينۆەستورلاردىڭ قاتىسۋىمەن 15 جوبا ازiرلەنىپ جاتىر. بۇلار تiكەلەي شەتەلدiك كومپانيالار قاتىساتىن جوبالار. ولاردىڭ قۇنى شامامەن 190 ملرد. تەڭگە. ەتتi قايتا وڭدەۋ جانە ەتتi مال شارۋاشىلىعىندا 4 جوبا, 60 ملرد. تەڭگەدەن استام قاراجاتقا 3 قۇس فابريكاسىن سالۋ جوسپارلانىپ وتىر. بۇل بiزگە يمپورتتى 50 پايىزعا تومەندەتۋگە مۇمكiندiك بەرەدi. سونداي-اق, ءسۇت ءوندiرۋ جانە قايتا وڭدەۋ, ماي ونiمدەرiن ءوندiرۋ جانە ءداندi داقىلداردى تەرەڭ قايتا وڭدەۋ بويىنشا بiرقاتار جوبا جوسپارلاندى. مۇنىمەن بىرگە, مايلى داقىلداردى قايتا وڭدەۋ بويىنشا 3 زاۋىت سالۋ كوزدەلۋدە. مىسالى, «ەۋرازيااگروحولدينگ» جشس-دا ءمۇيiز, تەرi, تۇياق سەكiلدi قالدىقتاردى قايتا وڭدەۋ جەلiسiن قوسا العاندا, جىلىنا 17 مىڭ توننا ەتتi قايتا وڭدەۋ قۋاتى بار كەشەن سالىنادى. ەگiن شارۋاشىلىعىنداعى پايدالانىلماي جاتقان جەرلەردi ءارتاراپتاندىرۋ ناتيجەسiندە مايلى داقىلداردىڭ اۋماعى ارتىپ كەلەدi. وتكەن جىلى مايلى داقىلداردىڭ اۋماعى 2 ملن. گەكتاردان استى. سوندىقتان, مايلى داقىلداردى قايتا وڭدەپ, ونى ساۋداعا شىعارۋدى دامىتۋ كەرەك», دەدى مينيستر. ۆەدوموستۆو باسشىسىنىڭ ءسوزىن رەسەيدىڭ «ەفكو» كومپانيالار توبىنىڭ وكiلi قايرات نۇرپەيiسوۆ جالعادى. «ەفكو» كومپانيالار توبى مايدى قايتا وڭدەۋ سالاسىنداعى iرi كومپانيالاردىڭ بiرi. اتالعان سالادا جيىرما جىلدىق تاجiريبەسi بار كومپانيانىڭ رەسەي بويىنشا 4 ماي زاۋىتى, 2 تەرمينالى, 1 ملن. توننا ءونىم ساقتاۋ قابىلەتىنە يە ەلەۆاتورى بار. قازاقستاننىڭ وڭتۇستiك جانە سولتۇستiك وبلىستارىندا ارقايسىسىنىڭ 330 مىڭ توننا قۋاتى بار 2 ماي زاۋىتىن, 50 مىڭ توننا ساقتاۋ قۋاتى بار 2 ەلەۆاتور جانە ءار وبلىستا 4 دايىنداۋ سەرۆيسiن سالۋدى جوسپارلاپ وتىرمىز. جوبالارىمىز سالانىڭ دامۋىنا ۇلكەن ەكپiن بەرەدى دەپ سەنەمiز», دەدi ول. رەسەيدىڭ «مولوچنىە يستوري» جشس ديرەكتورى نۇرلان سانعالين دە جاعىمدى جاڭالىعىمەن ءبولىستى. «كومپانيا ەكى جىل بۇرىن اقتوبە وبلىسىندا قۇرامىنا بورداقىلاۋ الاڭدارى, رەپرودۋكتور, قۇراما جەم زاۋىتى, ەتتi قايتا وڭدەۋ كەشەنi كiرەتiن ەت كلاستەرiنiڭ قۇرىلىسىنا كiرiسكەن بولاتىن. ەت كومبيناتى تولىق تسيكلدى بولادى, ياعني قالدىقسىز وڭدەلەدى. ەت كومبيناتىنىڭ قۇرىلىسى وسى جىلى باستالدى. بۇيىرتسا, الداعى قاراشا ايىندا اياقتالادى دەپ جوسپارلانىپ وتىر. كلاستەرگە سالىنعان ينۆەستيتسيالاردىڭ جالپى قۇنى 10,8 ملرد. تەڭگە. شامامەن 1 500 جۇمىس ورنى اشىلادى», دەدi ديرەكتور.
نۇرباي ەلمۇراتوۆ, «ەگەمەن قازاقستان».
