فوتو: جوعارعى سوت
وقيعا شىمكەنتتەگى تۇران اۋدانىندا ورنالاسقان №59 «ايشا» بوبەكجاي-بالاباقشاسىنىڭ «بايتەرەك» مەكتەپالدى توبىندا بولعان. بەينەباقىلاۋ كامەراسىنان الىنعان كادرلاردا تاربيەشىنىڭ قولىندا شپريتسكە ۇقساس ينە ۇستاپ, بالالاردى قورقىتقانى تۇسىرىلگەن.
سونداي-اق مەكتەپالدى توپتاعى تاربيەلەنۋشىلەرگە پسيحولوگيالىق جانە فيزيكالىق قىسىم كورسەتىلگەنى دە انىقتالعان.
قالالىق ءبىلىم باسقارماسى وقيعادان كەيىن شۇعىل تۇردە ۆەدومستۆوارالىق كەڭەس وتكەنىن حابارلادى.
«كەڭەسكە پروكۋراتۋرا, پوليتسيا, ءبىلىم جانە دەنساۋلىق ساقتاۋ سالالارىنىڭ وكىلدەرى, بالاباقشا اكىمشىلىگى مەن اتا-انالار قاتىستى. جيىندا بالالاردىڭ قاۋىپسىزدىگىن قامتاماسىز ەتۋگە باعىتتالعان ناقتى شارالار تالقىلاندى», دەلىنگەن باسقارما تاراتقان حابارلامادا.
ال قالالىق پوليتسيا دەپارتامەنتى بولعان وقيعاعا كۇدىكتى تاربيەشىنىڭ ۇستىنەن قىلمىستىق ءىس قوزعالعانىن حابارلادى. قۇزىرلى ورگان تەرگەۋ امالدارى بارىسىندا بالاباقشا باسشىلىعىن ۋاقىتشا قىزمەتتەن شەتتەتۋ جانە تاربيەشىنى جۇمىستان بوساتۋ جونىندە ۇسىنىس ەنگىزگەن.
