ءتارتىپ ساقشىلارى اۋماقتى تەكسەرۋ بارىسىندا تۇرعىن ۇيلەردىڭ ءبىرىنىڭ قابىرعاسىنان تىيىم سالىنعان زاتتاردى ساتاتىن ينتەرنەت-دۇكەننىڭ اتاۋى جازىلعان جارنامانى انىقتاعان. قاتىسۋشىلاردىڭ زاڭسىز ارەكەتتەرى بەينەباقىلاۋ كامەرالارىنا ءتۇسىپ قالۋىنىڭ ارقاسىندا ولاردىڭ جەكە باسى جەدەل انىقتالدى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 299-1-بابى 1-بولىگى, ياعني, ەسىرتكى قۇرالدارىن, پسيحوتروپتىق زاتتاردى نەمەسە ولاردىڭ انالوگتارىن, پرەكۋرسورلاردى ناسيحاتتاۋ نەمەسە زاڭسىز جارنامالاۋ بويىنشا قىلمىستىق ءىس قوزعالدى.
قاراعاندىدا ەسىرتكى كونترابانداسىمەن اينالىسقان ستۋدەنت 15 جىلعا سوتتالدى
كريمينالدىق پوليتسيا جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە استانا قالاسىنىڭ ەكى تۇرعىنى ۇستالدى. بەلگىلى بولعانىنداي, ەش جەردە وقىمايتىن جانە جۇمىس ىستەمەيتىن جاستار «وڭاي تابىس» تۋرالى حابارلاندىرۋدى الەۋمەتتىك جەلىدەن تاپقان. ولار اتقارعان جۇمىسى ءۇشىن اقشالاي ەمەس, ەسىرتكى زاتتارى تۇرىندە سىياقى الىپ وتىرعان.
قازىرگى ۋاقىتتا سوتقا دەيىنگى تەرگەۋ امالدارى جالعاسۋدا جانە ۇستالعانداردىڭ وسىعان ۇقساس باسقا دا قىلمىستارعا قاتىسى بار-جوعى تەكسەرىلىپ جاتىر.
ايتا كەتەيىك, بۇعان دەيىن پەتروپاۆلدا سينتەتيكالىق ەسىرتكى ساتۋمەن اينالىسقان 33 جاستاعى كۇدىكتى ۇستالعانىن حابارلاعان ەدىك.
